باقي جدول تنفيض البيت في العيد

اني جييييييييييت نورت الغييييييييييط
واليكم الجدول
هعمل واحد اتنين تلاتة يعني رقم واحد في واتنين في يوم يعني كل يوم نقطة
انا امكو الغولة الشريرة
واللي مش هتمشي ع الجدول هجطعها لان انا ماشية عليه ومتمرمطة والله
يلا ربنا معانا ويعنا
نسمي بالله عز وجل كده عشان ربنا يجعل في كل حتة بنعملها حسنة باذن الله
بسم الله اوله واخره

1. طبعا احنا كنا عملنا دولاب الاطفال وادراج غرفة النوم وانا اتكلمت عنهم باستفاضة
2. دولاابك طبعا نطوي الهدوم طاوية كويسة مع فرز كل حتة وعلى طول وبدون تفكير اللي تحسيه مالوش لازمة وزاحم دولابك شيلييييييييه يا امي مصيره يطلع لله يااما تحت السرير بطريقة جميلة ومنظمة ويكون مطوي كويس وف شنطة جميلة زيكم طبعا تلميع وتنشيف عشان الرطوبة وياحبذا لو بودرة صراصير تحت كل مفرش رشي رشة جريئة كده او يا حبذا لو تلمعي بديتول وطبعا فوق الدولاب ما دولابك يعني من جوة ومن برة وفوق وكله كله عاوزة كده اطبل للدولاب يرقص اشيك اشيك متسالونيش بئا ازاي تحزموه تدربوه اتصرفوا شريرة انا صح ؟
3. هتدخلي كده على بيتك بالزعافة داخلة مصارعين  وتوري في قلب البيت بالزعافة كلها كلها وبعدها اكنسي بالمكنسة وادخلي على مطبخك فكي ماسورة الغاز الملفوفة بالورق البلاستيك اللي بيلمع او الفويل زي مانتي عاملة انا فكيته لاقيت تحت منه زي الفل هو والعداد وبالتالي تنضيفه كان سهل ونشفته حلو اوي ولفيته من جديد وطبعا العداد برضو نضفته هو والكافر وكمان معاهم ف نفس اليوم الشباك بتاع المطبخ وتجيبي طبق ماية سخنة كبير ومحترم كده وحطي فيه صابون سايل وكلور وانقعي فيه الشفاط بس الريش بس والوش لكن الموتور لا هنضفه ده بس بالليل كده على روقان في نفس اليوم مش في وسط الهدة دي وانتي قاعدة كده جنب تلافزيونك اقعدي نضفيه حتة حتة بزخنوقة زخنوقة باي منظف واي خلطة وكله بيؤدي لنفس النتيجة
4. الرشاقة او ارفف الاطباق وجميع جرادل الزبالة تتغسل في نفس الطبق
5. السباتة او التربو هي والتلاجة والغسالة
6. البوتجاز وده يوم لوحده ومات الكلام وانتحر الحوار ف اليوم ده
7. دولااااااب المطبخ طبعا تعملي تشيك اب ع البرطمانات اللي مش نضيف نغسلة واللي نضيف يتساب كما هو وبعدها نعمل الارض وندعكها دعيك
8. يوم بئا نمسك الحمام معلش لازم ننشفة دايما لان تنشيفه ده بيقتل الميكروبات واوصيكم ونفسي بتقوى الله والتهويه الجيدة للبيت وخااااااااااااصة الحمام
9. الكنب اذا كنتي هتشفطيه بالمكنسة اوي اي حوار
10. السراير طبعا مش هنفض تحت منه لاننا لسه منفضين بس هنشفط المراتب واللي حاسة ان تحت السراير لا يطاق تنفض
11. السجاد طبعا ندعكه ع الناشف واللي حاسة ان السجادة برضو لا تطاق تلفحها وتدخل الحمام تمسح بيها الارض
12. يوم بئا تلميع شامل كامل لجميع الاسطح والارضيات ودمتم

Posted in: جداول تنضيف