جدول لتنضيف البيت ف العيد

طبعا احنا هنعمل جدول نضافة بس نضافة على حق
وهتبئا دي نضافة العيد انستينا وجددتي الامل فينا
طبعا اتفقنا كلنا نصحى بدري بكتيره 10 الصبح

1. الحمام هتاخدي فيه شاورك المعتبر اول ماتصحي وبعدها تديله شاوره وتخرجي تلبسي وتتهياي كده لبيتك الجميل
2. تدخلي مطبخك لازم نكون متفقين ان الف به نضافة المطبخ يكون معمول من بالليل يعني الصبح بس تلميع كنس يعني مصحاش الصبح اليف مواعين غدا امبارح مثلا يعني وقلبي بيوجعني وانتي ف المطبخ اضربيلك ماسك زبادي في وشك بالعسل واللمون عشان يطرب على وشك الجميل
3. تخشي بئا ع الاوض اوضة اوضة ومعاكي باسكت وجردل تلميع وتلمي الزبالة وتكنسي وتلمعي الملايات مش نضيفة تتغير متفقين ان الملاية متقعدش اكتر من 3 تيام
4. طبعا اوضة جوزك حبيبك تتوصي بيها حبتين
5. الانتريه بالمكنسة واديلة ومش بياخد وقت عشان مش بنقعد فيه
6. نيجي بئا للمهم طبعا اللي فات ده لعب عيال ومياخودش في ايدينا وقت هنيجي بئا للصميم في يوم هنعمل فيه الدولاب بتاع العيال وده في حالة انك هتطلعي الشتوي ليهم تبتدي بئا ترتبي وتطبقي وتخرجي الصغير واللي مالوش لازمة واللي هيطلع لله
7. مش هنطلع الهدوم الشتوي الوقتي نظرا لكل محافظه وليها جوها طيب هنعمل بس فرز للهدوم اللي مش هنستخدمها
8. واللي عندها بنات هترتبلها الاكسسوارات والشربات والتوك وبدون تردد التوكة الممطوطة تترمى والتوكة المش نضيف تتغسل اه بنغسل التوك دايما وعلى طول بالله عليكم
9. اليوم التاني بعد ما نعمل البيت كله نشغل التليفزيون ونقعد كده نرفه عن نفسنا قومي فزي ما صدقتي قبل ما تقعدي هاتي درج درج من ادراج تسريحتك رتبيها ولمعيها وظبطيها والامشاط خديها كلها وانقعيها في ماية وبيكربونات
10. ودرج شرابات جوزك افرزيه هتلاقي المقطوع والممطوط واللي مبلبسهوش اصلا عشان بيجبلوا صداع في صباعه الصغير وكده ويعني

وده تنفيض يومين لدولاب عيالك والادراج بتاعة الاوضة بتاعتك كلها
مننساش ننظم ادراجنا
انا هقترح وكل واحدة تعمل اللي ينفعها يعني تاخد منه اللي ينفعها في حاجاتها لان كل واحدة ادرى باحتياجتها
هتعملي درج للامشاط والتوك
والدرج اللي تحته اكسسوار وميك اب والدرج التاني للاوراق وياريت الاوراق في دوسيهات مش مطبقة ومتكومة في شنط بلاش المنظر ده بالله عليكم
والتوك تكون في علبة او سورة شيك كده
برضو من ضمن الادراج اعملي درج للبرشام والعلاج والقطرة والمراهم وماشابه ذلك
ودورج تاني اعمليه للمفارش الصغيرة اللي مش بتستخدميها وكده ويعني
ودرج لشرابات جوزك وانتي كمان
طبعا درج الكوميدينو لازم درج للفوط الصحية الصغيرة واللي تحته يبئا سوتيان واللي تحته الاندر وير حاجاتك الشخصية يعني
بلاش كله في الدولاب مش بيكون منظر والدنيا بتبئا خربانه
الكوميدينو التاني حطي في درج منهم الباديهات ودرج الشورتات الاسترتش والدرج التالت اللي انتي عاوزاه من حاجات جوزك ساعاته نضارة
او ممكن حاجات التلافون من شواحن لخلافه
المهم خالي لكل حاجة مكانها المخصص عشان متبئاش سهلبيسة
عاوزة كل درج يتلمع من جوه وينضف ويكون ناشف وزي الفل وبالتالي مفرشه برضو
معندكيش مفارش استبن هتلحقي اه تغسلي وتنشريه مبياخدش وقت في تنضيف المفرش وتنشيف واغسلي على ايدك مش عيب
مع خدمة نضفني شكرا تجدي كل ما تتمنيه لكي يا سيدتي انتي واسرتك
هذا البرنامج برعاية

هدى سمير

Posted in: جداول تنضيف