طرق سهلة لتنضيف البيت ♥للناس الكبيرة البركة والناس المريضة بالصوووووور♥

الموضوع دا انا بافكر فيه من فترة انا وامي ست الحبايب يا حبيبة (ام حلمووس)


وهو ازاي نعرف الستات الكبيرة ازاي ينضفوا بيوتهم بسهولة ومن غير تعب عليها باذن الله

وربنا يدينا ويديكم الصحة يارب

لازم نكون متفقين ان عشان تبقي مرتاحة وانتي بتشتغلي اي شغلانة يبقى لازم تكوني قاعدة
وطبعا كل شغلانة في البيت بتحتاج لمستوى معين من الجلوس عشان تبقى الشغلانة في متناول ايديكي وتكون سهلة
وبالتالي هتحتاجي لكراسي
مش كرسي واحد
يعني كرسي عالي لا واطي لا بمسند او بغير
ودا اللي هاشرحه بالصور
اجي لاول صورة واهم صورة لان بيندرج تحتها العديد من الشغلات



الكرسي دا قعدته عريضة كويس وواطي ومريح

دا وانتي قاعدة عليه ممكن تمسحي الارض وتجيبي اللي تحت الدولاب او الكنب او السرير
وكمان وانتي قاعدة عليه ممكن تحكي السجادة وتغسليها في الحمام او ع الناشف
بتقعدي ع الكرسي وبتاخدي جزء جزء م السجادة ويكون ضهرك جالس يعني مش منحني عشان ما تتعبهوش اهم حاجة القاعدة الصح

طبعا برضو بالكرسي ده ممكن تلمعي الموبليا عدا الدولاب يعني الكوميدينو التسريحة الباب من تحت
ترتيب الدرف وخصوصا المطبخ

ولما نيجي نرتب حاجة وننضفها لازم يبقى جنبك كل حاجة الشغل مادام نويتي تنضفي يا ست الكل يبقى لازم يكون جنبك
(المقشة_الجاروف_سطر البخاخات اللي عندك_ العديد من الاقمشة للتلميع _جردل ماية _طبقة ماية وفيه صابون سايل وليفة _فرشة سنان _فرشة بلاط )
طبعا بقى كل واحدة بتصنف الشغلانة دي بتحتاج ايه وبتجيبها وبتحطها جنبها
طبعا الكرسي البلاستيك ده يتقعد عليه بس يعني ما نقفش عليه ممكن يتزحلق لا قدر الله او بتكسر يعني مش مضمون


طب والشغلانة اللي في مكان عالي ومحتاجة نقف على حاجة عالية

هنجيبلها الحرسي ده



دا خشب وقصير ونتفادي الخشب العالي عشان ما يختلش توازنا
دا يعني متوسط في علوه وسهل اننا نطلع وننزل عليه


واي شغلانة هتحتاج وقوف كتير نراعي اننا ممكن ندوخ ننزل الحاجات اللي فوق دي ننضفها واحنا قاعدين ان امكن ونطلع نرصها فوق تاني
ونقف عليه نلمع شباك الدولاب من فوق نفك شفاط كده وكمان ممكن نقعد عليه عشان نلمع حاجة مش واطية اوي
يعني نص الدولاب
البوتجاز الفرن كده يعني منتصف الحيطة
والحيطان كلها من فوق تنضفيها بالمقشة وانتي واقفة



الكرسي البلاستيك ده يتقعد عليه للحاجات اللي مستواها عالي زي يعني رف دولاب عالي
الادراج
البوتجاز من فوق
تربيزة المطبخ
تنضيف الغسالة
ترتيب التربو

وطبعا غسيل المواعين لو مش بتقدري تقفي ممكن تلميهم كلهم وتغسليهم وانتي قاعدة في الحمام

وغسيل البلاستيكات وقت التنفيض تجمعيها كلها في الحمام وتدخلي الحمام وانتي قاعدة تنضفي
والقاعدة والحوض وانتي واقفة مش بتاخد وقت وانتي بتنضفيهم


اما بقى الاجهزة اللي بنضفها ع الناشف زي ماتور الشفاط والخلاط والكبة وغيره وغيره
دا لازم تكوني قاعدة على كرسي وتسندي ضهرك وادامك تربيزة
والكرسي اهو


وممكن تحطي مخدة وراكي عشان ضهرك ما يوجعكيش وتنضفي وانتي قاعدة عليه والجهاز ادامك على مكتب او تربيزة

وبرضو ما تنسيش تبقي محضرة عدة الشغل كلها عشان ما تفضليش تقومي وتقعدي وتهبطي
اما بقى بالنسبة للشغلانة اللي بتكون عاوزة شيل وحط
زي شيل مرتبة او سجادة او كنبة او غيره
دا بتستني وجود اي حد في البيت يعملك الحوار ده
يعني تظبطي نفسك ان يوم مثلا الفلاني الساعة الفلانية في وجود الشخص الفلاني باذن الله هاطلب منه كذا وكذا

وطبعا كل الشغل ده بيكون في ميزان حسناتك
ولازم تعقدي النية انك بتنضفي لله
وان النضافة من الايمان

ولازم نعرف ان مرض يصيبنا دا تخفيفا لذنوبنا
ودا حديث عن الرسول صلى الله عليه وسلم
( ما من مسلم يشاك شوكة فما فوقها إلا كتبت له بها درجة ، ومحيت عنه بها خطيئة )

وكان الانبياء اكتر الناس اذى وكان منهم بيصيبهم المرض
وكانوا بيصبروا على ما اصابهم
وكانوا بيجازوا الخير والثواب على صبرهم واحتسابهم
وكانوا بيشعروا انهم في نعمة بمرضهم سبحان الله

واوجه كلمة لكل واحدة عندها صحة بارك الله لها فيها بس لازم نعرف ان الصحة تاج على رؤوس الاصحاء لا يراها الا المرضى
فدايما نحمد ربنا سبحانه وتعالى على الصحة
وكمان ما ننساش المريض
يعني حماتك المريضة روحي وساعديها واعمليلها شغلانة ممكن انتي شيفاها انها مش هتقدر تعملها فانتي كده هتقميلها مساعدة كبيرة
وبلاش نقول ماهي عندها بناتها
وبلاش تقولي اصلي مشغولة
وورايا عيالي
وكتر خيري اوي اني باخدم نفسي وبيتي
لا لازم تعيني من شبابك لكبرك

باذن الله دا هيتعان لما تكبري
وربنا لا يضيع اجرا من احسن عملا
وداين تدان في الخير والشر
وماننساش ان الاقربون اولى بالمعروف
والمقصود بالمعروف في موضوعي هو المساعدة
يعني ساعدي امك جدتك
جااارتك الست الكبيرة بس في حدود الادب واللياقة
ما تروحيش تساعديها وعندها راجل او في وقت متاخر يعني لازم لكل حاجة ليها اصول
واديهم بس ساعتين من وقتك وصحتك
يعني ممكن احنا نمسح للستات الكبيرة دي
ننضف فوق دولاب
ننضف ورا البوتجاز
نلف مواسير

وطبعا نشتغل في بيوت المحارم
يعني مراة اخويا
ممكن اخت جوزي لو مريضة اروح اساعدها في عدم وجود جوزها

لازم تقفي ادام نفسك وتعرفي انتي فين من الناس دي وبلاش زحمة الحياة تكون وخداكي
كل حاجة اصل ولادي
اصل جوزي
اصل بيتي
الناس دي ربنا هيسالنا عليها يوم القيامة عملنا ايه احنا لليوم ده
يوم وقوفنا بين يدي الله عز وجل
قال عليه الصلاة والسلام : " كل أمتي يدخلون الجنة إلا من أبى " قال الصحابة ومن يأبى يارسول الله ! قال " من أطاعني دخل الجنة ومن عصاني فقد أبى "



والمؤمن للمؤمن كالبنيان المرصوص يشد بعضه بعضا

واي سؤال في تنضيف اي حاجة معينة انا تحت امركم
وجزاكم الله كل خير

تابع القراءة »

ازاي ننضف المراوح ونعينها للصيف الجااي بالصووووووور

ازاي نخزن المراوح ونعينها

انا عندي مروحتين مروحة عادية ومروحة باحطها في الحيطة
انا فكيت الشبك والريش وغسلتهم عادي خالص بانضفهم بمية الاول اشيل التراب والعنكبوت واغسلهم بالليفة وبعدين اسيبهم يتصفوا وانشفهم

وحطيتهم كلهم مع بعض بتوع المروحتين




وبعدين خدتها وحطيتها في كيسة  كبيرة 
وحطيت معاها الماتور بتاع المروحة بتاعة الحيطة والعليقة بتاعتها

دي شكل مروحة الحيطة بعد ما فكيت الشبك بتاعها





فكيتها ونزلتها ولمعتها كده






وبعدين لفيتهم في الكيسة كلهم بالحاجات الصغيرة بتاعتهم لاحظوا ان ده شبك وريش مروحتيييييييييين



دول كده محطوطين تحت السرير ومش واخدين مكان وماتحطوش اي حاجة فوقهم عشان الشبك ما يتطبقش



نيجي بقى لماتور المروحة العادية دي كان محمد وقعها واتكسرت واحنا عملنا ليها عملية ولزقناها






خدتها ولفيتها بكيس بلاستيك اسود وباعنيها تحت السرير الكبير عشان صندوقه عالي بس ركنتها على جنب على ما ابقى انفض تحت السرير الكبير ابقى ارصها تحته




ودا شرح مبسط للبنات اللي كانت بتسال نعين المراوح ازي وانها بتعينها وبترجع تتعفر وقبل استخدامها بتضطر تغسلها تاني
بالطريقة دي باذن الله السنة الجاية ان عشنا نطلعها وبتكون زي الفل ومش بتحتاج انها تتغسل تاني

تابع القراءة »

يا ما في الجراب يا حاوووووووووي صور صووووووووووور

 


اهلا باحلى بنات 
انا عاملة موضوع مخصوص عن تنظيم العدة
الي مابتخلاش من اي بيت
واللي اغلب الرجالة روحهم متعلقة في احبال عدتهم
واللي يلعب في عدته اكنه لعب في عداد عمره
واي ست بتحب جوزها بتحب انها تحافظ على اي حاجة هو بيحبها 
وستات كتيرة بتتخنق من العدة دي وبتعتبرها كراكيب وبدل ما تجمعها وتنظمها وترتبهاله لا بتذله بيها ولكأنها مسكاله ذلة
وتحسسوا انه عامل عاملة
فاللي انا عاوزة اقوله اننا لازم نهتم بترتيب عدة ازواجنا
فخالتي ام الدودو كانت بتعين عدة عمكم الحاج في درج المطبخ كدهووووووووو

وعشان عمكم الحاج يدور على حاجة يقلب الدنيا راسا على عقب والدرج كله بيكون برة
دا غير علبة المسامير دي عشان تطلعي منها مسمار او صامولة اوي اي حاجة

 تتقلب كده وابحث بقى مع الشرطة  عشان تلاقي الحاجة اللي انتي عايزاها اذا كان انتي ولا عمك الحاج ووقت بقى ولم وزهق عشان تلمي الموال ده
وتبقي كارهة حياتك وعدة جوزك ساعتها

فا وهي بتتسوق لقت علب مخصوصة للعدة بتلم كل اشلاء العدة وتنظمهم 
واليكم الصور
دي العلبة الكبيرة لمت فيها كل العدة من مفكات وحاجات

 وهي كده وهي مقفولة شوفوا صغيرة ازاي

 ودا سمكها اد الفيل ويتسر في منديل

 دي بيقى علبة تانية لمت فيها كل حاجة مسامير وصوواميل وك الرفايع الصغيرة بتاعة العدة في العلبة المتجزأة دي
طبعا لو احنا هنلم كل حاجة في برطمان هتاخد مكان وحيز كبير

 دي كده وهي مقفولة

 دول كده وهما فوق بعض ممكن يتحطوا في اي درج من الادراج

 وبالشكل ده ممكن تتحط في اي رف من ارفف الدولاب ومش هتاخد حيز وشكلها عاطفي يعني مش هتديكي ايحاء الكركبة

وفعلا يا ما في الجراب يا حاوي
شكر خاص للعضوة ام الدودو

تابع القراءة »

تنظيم رفين م الدولاب

تابع القراءة »

♫♥♫♣ ♥ิ نضفني شكرااااااااا(14) متجدد بالصورررررررررررررررر ♫♥♫♣ ♥ิ

 




حبايب قلبي جروب نضفني شكرااااااااااا
وكل فتوكة متابعاني من بعيد لبعيد باحبكم ف الله
النهاردة هاتكلم على حاجة مهمة اوي بيعيشها اغلب الستات المتزوجات اذا كانوا لسه صغيرين او كبار


طبعا كتير من البنات عايشين مع حمواتهم ومنهم اللي عايش مع امهاتهم
وطبعا بيحصل تضارب في شغل البيت
وكل واحدة بترمي ع التانية حمولها وف الاخر البيت بيتظلم وبيكون خرابة
وسيبوكم م البيت اصلا العيشة نفسها بتكون خرابة لان عدم التعاون في عمل اي حاجة وتكون بحب بيسبب كره فظيع ونكد في البيت
بتكون الحماة متعكنن عليها او الام وكمان البنت برضو
وكل واحد بيشوف من وجهة نظره انه مظلوم وان هو المجني عليه


طيب الوقتي عشان نحل المشكلة والنزاع ده
هاوجه كلامي للاتنين الحماة ومراة الابن


واول واحدة هاتكلم معاها هي مراة الابن


يا ريت توسعوا صدركم معايا واعرفوا اني باخاطب ناس محترمة وملتزمة دينيا 
وكمان ان اي كلام هاقوله باذن الله بيكون فيه توجيه وعمل خالص لوجه الله

















 


مراة الابن:


لازم مراة الابن قبل ما تتجوز اصلا مامتها ست الكل تعلمها ازاي تتعامل مع حماتها وازاي تحترمها 
طبعا السؤال بيقول امتى اعلم بنتي الكلام ده؟
طبعا انا مش هحدد عمر لان كل ام ادرى بعقل بنتها وقدر استوعابه للكلام
يعني ممكن قبل فترة الخطوبة او بعد الخطوبة على حسب الفترة اللي انتي حاسة ان البنوتة بيتقدملها عرسان وممكن تتخطب في اي وقت تبتدي بقى تعرفيها وتفهميها وتديها قصص وكده
انا مثلا امي علمتني ازاي احترم حماتي وانا عندي 15 سنة
من خلال تجاربها مع حماتها وانها كانت عايشة معاها واد ايه كانت بتحترمها
فامي علمتني من خلال حكيها لقصص واقعية وذكرياتها فاتعلمت منها اني احترم حماتي مهما ان كان
وبعدها بشهور كنت مخطوبة عى طول (بس دي مش طريقة يعني عشان العريس يتقدم انا بس بادي مثال ضيق الاقي كل ام ماسكة بنتها بتعملمها عشان العريس يجي )
لازم مراة الابن كمان انها واجب عليها انها تحبها وتحترمها
ولو ان نفسها مش جايباها تحبها  يبقى ع الاقل تحترمها
وصدقيني لو انتي احترمتيها وعملتيها كويس دا بعد كده بيؤدي الى حب على مرور الايام 

وانا لو قولتك عامليها احسن من مامتك طبعا هتزغوريلي 
وانا باكد كلامي وباقولك اه
عامليها احسن من ماما
بين البنت وامها مافيش تكاليف وبيكون في دلال بينهم ولو قولتي كلمة كده ولا كده ماما ممكن تبلعها بس حماتك مش هتبلعها 
لو روحتي ماما ومعزومة عندها طبعا واجب عليكي تقومي وتساعديها وتغسليلها المواعين وتنضفي وممكن تدلعي شويتين وتعملي نفسك فهمي وماتنضفيش حاجة ساعتها ماما مش هتزعل
بس حماتك هتزعل وعشان كده لازم تبقي متأهبة انك تقومي وتشتغلي وتساعدي وايدك بايد حماتك وتلمي ماطرح ماعيالك بهدلوا
ولو انتي تعبانة مش قادرة تقومي تشتغلي اساسا عندها يبقى كان من بابا اولى تعتذري عن العزومة عشان انتي تعبانة 


ومافيش واحدة تيجي تقنعني انها بتحب جوزها ومش بتحب حماتها ابدااااااااااااااااااااااااااا نهااائي متحاوليش ومش هقتنع
دا دي يا جماعة اللي جابتلنا راااااااااجل  ولو مش بتحبي راجلك يبقى اكيد في ما بينكم عشرة برضو تدفعك انك تحترمي تلك المرأة




 


من الحاجات اللي باشوفها في المنتدى هنا واللي بجد باضحك وبازعل لما باشوفها 
ماهو هم يبكي وهم يضحك

تلاقي فتوكة ما تيجي وتقول: يا بنات تعالوا عرفوني اعمل ايه لامي ماما معزومة عندي واظبطلها ايه اصلها بتحب كذا وبتكره كذا وتبقى ياعيني لافة المنتدى كله عشان تاخد اكبر نصايح عشان تعمل عزومة لست الكل برضو انا احترمها في النقطة دي

تيجي بقى نفس الفتوكة اه والله زي ما باقولكم كده 
تيجي وتقول:
الحقووووووووووني الحقوووووووووني حماتي معزومة عندي بكرة وتفضل تولول في قلب المنتدى ويا اللي رايح ويا اللي جاي
وطبعا ماتلاقيش حد يقول كلمة كويسة في حق حماتها الست الغلبانة
لا طبعا كل فتوكة تدخل وتقول قلبي عندك يا ختي
ربنا يصبرك
واللي تدخل تعزيها
بجد حاجة مايعلم بيها الا ربنا
العدل ثم العدل يا جماعة
العدل في المعامة الله يخليكم كل ده احنا بنتحاسب عليييييييه
زي ماتحبي يجيب لامك يجيب لامه 
وخصوصا في الزيارات لما تيجي تروحي والدته وهو معاكي وقفيه واتناقشي معاه هنجيب ايه واحنا رايحين
الحاجات البسيطة دي بتزودك في عين راجلك وبيزود الحب بينكم والالفة 




 

طب لو مراة الابن عايشة مع حماتها في نفس الشقة او البيت 

واجب عليكي الخدمة

وواجب على زوجك انه يربيكي في بادئ الامر مادام وافقتي على انك تعيشي معاه عند امه على انك تخدمي امه

ولو وقف معاكي ضد امه اذن هو ابن عاااااق 

وكما قال الشاعر: اللي مالوش خير في امه مالوش خير في حد

 


واجب على مراة الابن:

*انها تزورها بلاش مقولة خالتنا بمبى: ابعد حبة تزداد محبة 
ومقولة خالتنا زوبة: البعد عنهم غنيمة افضلي انتي ماشية ع النمط ده وباذن الله تعلمي عيالك بشكل غير مباشر كيفية قطع رحمه وبرضو بشكل تاني كيف تصبح عاق لامك وسقفة كبيرة 

*واجب عليكي تعاملي حماتك كويس بلاش النظرات والنفخات والهمزات واللمزات (كل ده تتحسبي عليه)

*لازم  تتكلمي عنها كويس ادام اي حد عشان اولا الغيبة ماتوقعيش فيها ثانيا ابنك ما يسمعكيش ويطلع يكرها ويبغضها زيك

*لازم مراة الابن تساعد جوزها انه يبر امه عشان تاخدي حسنات في دنيتك
*كمان تشجع الاولاد يحبوا جدتهم ويحبوا اخوات الزوج وحتى لو هم وحشين في التعامل معاكي يبقى تاخديهم على قدر عقولهم وخليكي انتي العاقلة

وبلاااااااش معاملة الند بالند
 

الحماة

الست الكبيرة العاقلة
اللي لازم نحترمها
وانا احترمها اي ان كانت

انا عارفة ان كل ام بتحب ان يكون لابنها زوجة كويسة وهي تحبها فالو زوجة الابن كويسة هي هتشيلها في عنيها عشان كده ابتديت بالكلام عن مراة الابن
لكن الحماة اللي هي منها امي وخالتي وجدتي وقريبتي وجارتي وممكن تكون صحبتي اخجل اني اقدم لها نصيحة 
لان هم منبع النصايح وهم اللي ربوا واخرجوا جيل محترم
هم اللي ربوا من غير لا يلجأوا لنت ولا تليفزيون
هما اللي عرفوا يطلعوا جيل صح
واحنا نقول جيل الوقتي مش زي جيل زمان
لا والله
امهات دلوقتي مش زي امهات زمان
تربية دلوقتي مش زي تربية زمان

الحماة اقولها:

*من حقك انك تلاقي المعاملة الطيبة من كل اللي حواليكي اللي من دمك واللي مش من دمك

*من حقك تروحي لابنك وتزوريه وتقعدي معاه وتقتحي تلاجته وتدخلي اوضة نومه ومافيش عليكي اي حرج

وفي نهاية كلامي




مافيش حماة هتعامل مراة ابنها وحش الا اذا كانت مراة الابن ابتدت بالاساءة


وياريت محدش يزعل من كلامي والف شكر على حسن متابعتكم


 

تابع القراءة »