تطليع الشتوي بنظام

الشتا
كل سنة وانتم طيبين احنا على مشارف دخول الشتاء علينا
طبعا الشتا كراكيبه كتير والدولاب بيكون مكتظ بالهدوم والهموم
دا غير ايشي بطاطين طالعة وخارجة
وكمان لما بيجي نطلع الهدوم الشتوي بيبئا يوم مكركب وقرف ومش منظمين ومحتارين والعيال ودوشتهم وضحكهم وتريقتهم عاوزة اليوم ده تكوني مع العيال كده ضحك بالله عليكم ماتقلبوا اليوم دندرة حاولي تنظمي حالك عشان تبئي مبسوطة وانتي بتطلعي الهدوم الشتوي وتنظميها

1. هتجيبي شنطة واحدة حتى ولو اشتريها من ام 15 جنية واقعدي وطلعي هدوم الصيف كلها ورصيها في الشنطة دي وتكون مطبقة وده لازم حفاظا ع الهدوم وكمان عشان الهدوم المطوية مبتخدش مساحة زي المنعكشة اللي مليانة هوا ومنفوشة ع الفاضي هتلمي كل الهدوم اللي في الدولاب الصيفي واملي الشنطة الشنطة اتملت ولسه في هدوم صيفي حطي الشنطة على جنب ورصي فوقيها الوقتي كده وجنبها اي كلام وفضي مساحة عشان نعمل احلى مغامرة ولعب مع عيالنا
2. نقلب السرير ونطلع شنطة واحدة بس ويكون جنبنا كيستين واحدة هدوم طالعة لله والتانيه هدوم للاقارب
3. نبتدي بئا نشوف اللي هينفعنا م اللي هنشحته واللي مالوش لازمة على طول متفكريش زيحي زيحي الدولاب هيتكربس ممش ناقصة فضي فضي
4. بالله عليكم تخلصوا م الكراكيب وخاصة وانتي قالبة تحت السرير كده اه شيلي شيلي فكي وطري على قلبك
5. السويترات والبلاطي ميطبقوش شماعات ويتعلقوا واللي معندهاش كفاية تشتري بالهبل ورخاص في محلات عمك ابو اتنين ونوص
6. الهدوم الداخلية طبقي كل بانتي في فلنته عشان الكركبة والزحمة
7. البيجامة تنطوي زي المحلات وتترصص كده فوق بعضهم صعبة الطوية دي .......معلش مرة ف مرة هتتعلمي اتجدعنوا بئا
8. بناطيل الجينز طاوية اتين تلاتة مش اكتر من كده وكله فوق بعضه البولفرات برضو طوية المحلات وفوق بعضه وبنظام
9. البولفرات والهدوم اللي بنتقل بيها طاوية بسطية وعلى جنب كده ولو في مساحة بدرج الهدوم الداخلية رصيهم مع الهدوم الداخلية
10. لازم علبة للحزامات بتاعة الصبيان
11. بشوف ناس ترجع م المدرسة تحط هدومها جوا الدولاب على طول مفيش تعليق وبلاش تتعلق يعني برضو في الدولاب مش ناقصة كركبة هي ودافسة خليها في عليقة او المخاطف اللي ورا الباب نعلق شنطنا وهدومنا
12. رصصي هدومكم بنظام وكل واحد له رفه بلاش السهلبيسة دي كل واحد له رفه
13. فضي الشنط الشتوي بئا وعبي الهدوم الصيفي اللي ركناها على جنب ورصصي الشنط بتاعة الهدوم الصيفي تحت السرير وبالمرة اشفوطي مراتبك بالمكنسة وحطي ملايات جديدة
14. اه خالي الحوار ده اخر النهار بلاش في عز الشغل والطبخ والهدة وبلاش يكون صابح مدارس
15. احنا احتمال نشتي نص الشهر ده خلاص فقولت اقولكم الف به تنظيم الدولاب

وربنا معاكم ومعايا
والله المستعان
كان معكم
هدى سمير من داخل المقر التنضيفي للمنزل
وشكرا لكم

Posted in: طوي الملابس بالصور