Twitter Delicious Facebook Digg Stumbleupon Favorites More

الثلاثاء، 2 نوفمبر 2010

بسم الله الرحمن الرحيم


السلام عليكم ورحمة الله وبركاته
انا اول مرة اعمل مدونة واكتب فيها وكده ويعني
وبصراحة مش عارفة ابتدي كلامي منين لان الموضوع ده جديد عليا اوي
بصراحة اللي اوحتلي بالموضوع بتاع المدونة ده اخت وصديقة عزيزة علياوهي اللي وجهتني اني اعمل مدونة وشايفة ان المدونة دي هتفيد ناس كتير
وهي صديقة مش من نفس المحافظة هي م العريش الشقيق
وطبعا المدونة دي ف الاول والاخر لله عز وجل ويارب يجعلها في ميزان حسناتي وحسنات كل اللي هيساهم فيها باذن الله



طبعا انتم شايفين عنوان المدونة نضفني شكرااااااا
وباذن الله هيكون في الموضوع ده كل انواع وسبل النضافة لبيتك وليكي كامرأة مصرية وعربية او غربية لو حبت تدخل تقعد معانا
انا بيتي بسيط جدااااا ومش فيه توضيب بس باحبه اوي اوي بالرغم انه مش متوضب خالص خالص
وعشان كده انا قولت اعمل مدونة لنضافة البيوت اللي مش متوضبة بالاخص والمتوضبه اعم
واي مكان قاعدين فيه محتاج نضافة حتى لو اتوبيس عام
الشارع
المدرسة
مكان العمل
اي حتة انتي موجودة فيها لازم تسبتي انك نضيفة وزي الفل
طبعا حوار نرمي الورقة في الشارع ده ننساه
واللي بيرموا اكياس الزبالة_اعزكم الله_من الشباك وتنزل طرووووووووووووبش على الارض وتنفجر زي القنابل
واللي بيرموا بقايا الاكل وهما ماشيين ع الرصيف ولا ع الكورنيش ولا ف النيل او البحر
يختييييييييييييييي علينا وعلى نضافتنا اللي عاوزة تتنضف
دايما بادعو اي واحدة تشوف حد بيرمي ورقة ع الارض توبخها بكلمة كده كنصيحة مش اكتر انها معدتش تعمل كده تاني
بس مش معنى كده اشوف وحدة تشوف واحد مثلا رامي ورقة في الشارع الاقيها جايباه من قفاه ومعلقاه وهاتك يا بهدلة وتقوله :ايه ياض؟
في حد يعمل كده يلا؟
ايه الشارع مش شايفة معفن هو كان ناقص ورقتك دي كمان
يلا يا حلو اخواتك معتش تعمل كده تاني يا حمادة عشان مضايقش اكتر من كده
لالالالالالالالالالالالالا
اوعي بالله عليكي تعملي كدهعشان بس اللمة وبرضو برستيجك اكيد اتمسح بيه الارض وكنس الورقة اللي رماها من اساسه
انا بقول بس كلمة توبيييييخ
مش تلبييييييخ
لا نخلي برضو لسانا نضيف في:
الشارع
البيت
التليفون
الشغل
مع عيالنا وخصوصا عيالنا عشان بس الملاقيط بتشتغل
العيال دايما بيلقطوا كلامنا ....اه والله
المهم عشان ما اطولش عليكم وتقولولي طولي
انا باذن الله
هنضف معاكم البيت حته حته وبالصور والله المستعان
كوووووووووووووووووونوا معنا

9 التعليقات:

doaawael يقول...

ما شاء الله
ربنا يدمها علينا نضافة يارب

doaawael يقول...

اسمحيلى اكون معاكى يا قمر
علشان نخلى بيوتنا تليق بوالدنا وازواجنا
وانا متاكدة اننا هنستفيد منك ياحتة عسلية
واسال الله ان يوفقك ويعينك علينا

jollya يقول...

السلام عليكم
تسلم افكارك يا دودو يا سكرة
وكمان باشكر صديقتك الله يبارك لها على الفكرة
ايوة كده...خلى النظافة تنتشر على النت
مستنيين افكارك البسيطة والجميلة
نوشة

هدى سمير يقول...

نوشة عندنا يا مرحبا يا مرحبا
ربنا يباركلي فيكي يا نوشة يارب
ياريت تدعولي بالتوفيق
وباشكر دعاء كتيييييييييير اوي لان هي صاحبة فكرة اني اعمل مدونة ربنا يجعل اللي باعمله ده في ميزان حسناتها

هدى سمير يقول...

انا مقدرش اقولكم تعبت في المدونة دي اد ايه
ولسه عاوزة شوية تعديلات يارب ييسر بس عليا

هبة يقول...

ما شاء الله
ربنا يدمها علينا نضافة يارب

noga يقول...

مبروك يا هدى المدونه ويلا ادينى شحنه نشاط يا قمر

اخيرا عرفت اسجل وابعتلك

doaawael يقول...

انتى يا دودى بنت حلال وتستاهلى كل خير وانا متاكدة انك انشاء الله هتمجحى فى الموضوع دة
ويمكن تعمليلنا كتاب عن التدبير المنزلى
علشان الكل يسيفيد

غير معرف يقول...

مبروك يا هدى على المدونه الف مبروك عليكي وعلينا

إرسال تعليق

 
Design by Free WordPress Themes | Bloggerized by Lasantha - sherif alnaggr | Blogger Templates | تعريب وتطوير : شريف النجار