Twitter Delicious Facebook Digg Stumbleupon Favorites More

الجمعة، 11 مارس 2011

حاجة مابتخطرش على بالنا اننا ننضفها بالصوووووووور

اه والله حاجة معظم الستات مش بيجي على بالها انها تنضفها
ايه هي؟
اوكر الباب
انا سالت جوزي الا الاوكرة دي نحاس ولا حديد ولا ايه؟
قالي لا نحاس وهو متفشخر اوي ولاكأنها دهب
المهم كنت دايما لما اليف الباب اليفها دون دعك او فرك بيكون غسيل عادي
المهم انا فكتها وحطيتها في ماية وخل وعصير لمونة بقشرها وسيبتها تغلي وكمان منقوعة على ما انفض الانترية وانضف الباب والكنب والشباك
امو هند
دي صورة الاوكرة قبل التنضيف


ودي بعد التنضيف
ودي بعد التركيب
طبعا وانا باركبها كنت عاملة زي الخليجين لما بينبهروا
والله هذا سحر
والله زينة

وبعدها قلبت زي ستي وستك ولكأنها اول مرة تشوف التلافزيون في الستينات
ياحلاااااااااااوة يا ولاااااااااااااااااد
يا سلاااام يا عيال شوفوا ازاااااااااااي
وامصمص في شفاتيري وانضف وكل ما تلمع كل ما صوتي يعلى
وجوزي يضرب كف على كف
وبعدها قلب ميلودي
ايوووووووووووووووووووووة كده يا ودييييييييييييييع
اخيرا نضفت يا وديييييييييييع

الخميس، 3 مارس 2011

تنضيف التيفال بالصور

لازم نبئا متفقين ان التيفال ميتنضفش الا بليفة عادية او سفنة ومينفعش ننضف طبقة التيفال الداخلية السودة دي باي حاجة حادة
من برة بئا نضفي براحتك لان طبقة التيفال مش بيتلزق فيها اي حاجة وبالتالي تنضيفها سهل
اما من الخارج الزيت ممكن يلزق ومن ثم بيعمل لون اصفر وبعدها لون اسود ودا اللي بيكون صعب علينا كلنا
فانا بانصح اي ست بيت لازم تنضف اول باول الحلل والمقالي وده عشان نحافظ على نضافة الحاجة وكمان عمرها
ومنجيس بعد خراب مالطة ونقول عاوزين ننضف
انا لازم كل فترة افكك ايدين الحلل التيفال وغطيانها وانقعهم في ماية وصابون سايل وكلور وبس انا غطيان التيفال بتاعتي ستانليس وبالتالي بيغمق لونها لو منقعتهمش من حين لاخر جوة جردل ماية بصابون سايل بحبة كلور وبس لا هقول خل ولا كركديه ولا اي وصفات الكلور بيغني وبينضف ومالوش اثار جانبية ع الاستنلس
واليكم الصور قبل وبعد
ده قبل التنضيف وبعد ما فكيت الحاجة كان هو ده المنظر
دا الغطا
 ودا مكان الايد اللي بنمسك بيها الحلة

 ودي الايد وشكلها من جوة دي نقعتها ونضفتها بفرشاة السنان عشان الزخانيق
دا الغطا بعد ما اتنضف
 ودي الايد بعد ما نضفت
ونسيت اصور الحلة نفسها قبل ما اركب الايد
 ودي الايد بعد ما اتركبت

 
Design by Free WordPress Themes | Bloggerized by Lasantha - sherif alnaggr | Blogger Templates | تعريب وتطوير : شريف النجار