Twitter Delicious Facebook Digg Stumbleupon Favorites More

السبت، 26 فبراير 2011

تنضيف البوتجاز حته حته بالصور

من اكبر واصعب المشاكل اللي بتواجه معظم الستات في التنضيف......تنضيف البوتجاز
هو فعلا تنضيف العميق شاق وبياخد وقت بس لما بنقسمه وبنقوم عليه قومة راجل واحد ونستعين بالله في الشغلانة دي ربنا بييسرها ساعتها
انا كل سنة مرة بافكك البوتجاز ده حته حته وانضفه وبياخد معايا من ساعتين ل3 ساعات دا غير اني اصلا بانقعه من بالليل




 نيجي بئا للصور قبل وبعد
قبل
دا بعد ما شيلت وش البوتجاز والعيون والحمالات والمفاتيح
 وديتهم للحمام عشان انقعهم
طبعا نقعت اشلاء البوتجاز من بالليل للصبح نقعتهم بئا في ايييييييييه؟......الخلطة اللي مغرقة اي منتدى اللي الكل بيستخدمها في اي حاجة تنضيف بلاط كنب حتى لو جوزك تعب ممكن تشربيه شوية(طبعا انا باهزر)
الخلطة عبارة عن (ماية سخنة+فيري+كلور+ملح ليمون _بيكربونات+خل) ودمتم
وبرضو حطيت عيون القلب سهرانة مابتنمشي
 وهنا نقعت مفاتيح البوتجاز
 طبعا دا الازاز من الحتة المستخبية اللي مش باعرف اطولها الاء اذا فكيت البوتجاز مية حتة
نيجي بئا لما بعد الثورة ماذا حدث؟
ركبت الفونيات ولفيت على حوامل الفونيات ورق حراري لاني لاقيتهم مصديين فقولت متبسطهاش اكتر من كده
 اهي زي كده
 وركبت الوش والازاز والمفاتيح وكل عام وانتم
 وبنفس الخلطة اياها نضفت الفرن وماتحت الفرن بس عشان مش عندي لمبة في الفرن كل ما اجي اصورة بعد التنضيف يجبلي سواد
ويارب تكون طريقة التنضيف عجبتكم




 
Design by Free WordPress Themes | Bloggerized by Lasantha - sherif alnaggr | Blogger Templates | تعريب وتطوير : شريف النجار