3:42 م
هدى سمير
ارجع بئا لمرجوعي وهو تنضيف الانتريه
نصلى على افضل خلق الله سيدنا محمد صلى الله عليه وافضل الصلاة والتسليم
اول حاجة نجيب الزعافة ونشيل العنكبوت اللي في السقف والاركان
وبعدها نطلع ونفكك الستاير عشان تتغسل
اغسلوها وعطروهها واجروا وانشروها على طول عشان متتكرمش ولو اتكرمشت ابئوا اكواها عشان المنظر العام للستارة ميضعش بكرمشتها
المهم تجيبي جردل مايه دافية وفيه شوية صابون سايل وليفة وفرشة ويكون الجردل صغير وتجيبي جردل كبير كده وفيه ميه نقية مش فيها اي حاجة ماية مبلولة يعني م الاخر
وتطلعي وتنضفي البلتكانة بتاعة الستارة اوي الماسورة اللي تسموه بئا
طب الستات اللي عندهم برقع تجيبي المكنسة وتشغليها على اوطى درجة وتطلعي البتاعة اللي موجودة جوة المكنسة بتاعة الستائر وتشفطي الغبار فوق وتحت ورا وادام عشان طبعا صعب انك تفكي برقع وتنضفيه وتجيبي بخاخة وتحطي فيها شوية معطر داوني او المعطرات السايبة اللي نازلة في السوق ميضرش اي حاجة تعمل ريحة حلوة وتقومي ترشي البرقه عشان تعطريه وتزهزهيه اديله واحدة فشفش فشفاش
المهم تيجي بئا للشباك لو شيش في الانتريه فكي الازاز اللي هي درف الازاز وتخشي الحمام ليفي وشطفي ونشفي وخرجيه على طول عشان الخشب مش يبوظ من الميه وينفش ويبئا عامل زي الفنتوش المفشي
وتروحي للبرواز بتاع الشباك وتدعكيه بالليفة داير مايدور وحتة قماشة وتلمعي وتشيلي اثار الصابون لو الليفة مطلعتش الغبار لان من الممكن ناس كتير مكنتش بتنضف الشباك اول باول اقولها استخدمي فرشاة الحمام
طبعا لو عرفتي تشلي الشيش خير وبركة وتغسليه في الحمام
اما لو معرفتيش يبئا هنغسلة وهو متعلق هتنزلي لجارتك اللي تحت منك لو تحت منك جيران استاذنيها قوليلها معلش يا غالية عقبال عندك هليف الشباك وده ناردرا ما يحدث يعني فلو فاتحة شباكك اقفليه ومش تتضيقي يعني مني كف الله الشر والله شئت ام ابت يعني وافقت او رفضت برضو اطلعي بيتك ونضفي انتي كده عداكي العيب وانزحزح
واطلعي ليفي وش وضهري وكبي مايه وسمعيني سلام بئا الارض لو عطشانة نرويها بدمينا ودم اللي خلفونا
خلصتي الشباك شدي بئا ع الباب خليكي كده فيكي عزيمة وهمة روحي للباب وليفيه ولمعيه وانتكيه بره وجوه بس استني قبل ما تطلعي بره هبي السقف بتاع باب الشارع من بره بس اوعي تخرجي كده ارجعي يا هبلة ارجعي
خشي البسي اسدالك واقفي لمعي الباب مش كده هه انا قولت اهو
اصلي ساعات بشوف ستات كده وتقولك اصل مفيش حد بيطلع وبينزل ساكنة هي في عمارة مفيهاش رجالة ولو فيها بيكونوا محارمها
ربنا يرحمنا ويغفرلنا يااااااااااااارب
يلا خلصنا حكي على خلق الله ورغي نموت في النميمة اه كمان بالله عليكي بلاش جارتك تخرج وتشوفك بتنضفي الباب وتفضل لوك لوك ومش هتخلص ما حضرتك تكوني مقدرة لسعتك وقت تخلصي فيه الحاجات دي يعني لما تدخلي الانتريه تقولي باذن الله يا فتكتك هخلص الانتريه ده في ساعة ونص يعني متديش لحد فرصة انه يعطلك حتى لو عيل من عيالك لو جارتك حبت تعطلك اديها عيل من عيالك وقوليلها بس نص ساعة اخلص واخده منك لاحسن ملبوخة على عيني وسي اللافندي جوزي لو لاقاني واقفة كده كتير هيعلقني
يلا بئا خوشي واقفلي الباب انا ايه اللي خلاني افتحه بدري قطيعة
عندك براويز؟؟؟؟؟
وسيباها ليه قوام نزليها ونضفيها ومكان ما كانت محطوطة شيلي الغبار من عليها وارجعي علقيها ........هبطتي؟
ياختي اصبري لسه مكملناش ساعة اصبري
تيجي بئا لسجادتك
اااااااه م السجاد
ياعيني تبئا الواحدة مننا متجوزة مقالهاش 7 سنين وسجادها معدوم وبره ومتهالك كل شوية هتنفض هيييييييييه عم رجب البواب يجي وياخد السجاد على قلبه ويقطع قلب السجاد ويبكيه بكاء مرير
والناس تتباهى انا بغسل سجادي 5 مرات وشوية اربع مرات
ايه.. ابه.....ايييييييييييييييييييييه......مسابقة هي
يا حبيبة قلبي حافظي على نضافة السجادة يوميا واسبوعيا وشهريا
يعني كل يوم يتكنس بالمكنسة.....اشطة
كل اسبوع مثلا تتشمس لو قدرتي
كل شهر لو حسيتي انها مش مزهزهه مش عجباكي شكلها مش عاطفي حكيها ع الناشف لو عجباكي ومحولة اقصد محلوة في عينك سيبيها خير وبركة
سؤال بئا بيطرح ذاته انضف واحكها ع الناشف ازااااااااي؟
هي كلآتي
تتم عملية الغسيل على ثلاث مراحل وهى
أولا شفط الأتربة من على الموكيت والسجاد .
ثانيا إزالة البقع من على الموكيت .
ثالثا عملية التجفيف والتطهير والتعطير للموكيت
اظن الكلام شارح نفسه
هتجيبي المقشة بتاعتك الحلوة والجاروف وتكنسي الارض وورا الكنب والوزرة ومتنسيش الوزرة
البتاعة اللي بتبئا في الحيطة من تحت وليها حافة كده بيكون فيها التراب بالكيلو يووووه مش عارفينها مش عارفلها اسم تاني بس اكيد في ناس حاسة بيا وهتفهمني في يوم من الايام
طبعا في ناس هتقولي ايه يا هدى نسيتي الكنب
هقول لا لا لااااااااااااااااااا ياماما لا منستش انا كنست عشان لما اجي انضف الكنب الغبار ميتطايرش على الكنب
المهم يعني كنستي الارض وورا الكنب وتحته وبرضو كنستي الوزرة
هتجيبي المكنسة وتشفطي الكنب ده شفطا مبرحا حتى يستغيييييث
يعني زخانيق ورا فوق تحت اشفطيه ومش تمرري عليه وش المكنسة مرور الكرام لا مرة واتنين وتلاتة اشيك اشيك
وبعد ما تخلصي تجيبي ماية وصابون سايل وبيكربونات فيهم وليفة نضيفة مش بتاعة الحوض لا واحدة تانية تكون جديدة وتغمسي الليفة في الخليط وتدعكي ايدين الكنب وكل حته تليفيها تجيبي حتة قماشة مبلولة وتشيلي الصابون من عليها وبعدها حتة قماشة نشفة وتنشفي بعدها كدهو لحد ما تخلصي كوووول الكنب طبعا ده في ظل فتح الشبابيك ووجود المراوح تجيبي بئا البخاخة اللي فيها ماية بمعطر وتفشي الفشاش في قلب الكنب كله تعطريه يعني وتزهزهيه عشان يعرف يتنفش من بعد ما شيلتي الغبار من عليه ربنا يصلح حالك كان طابق على مراوحه وكل يوم تصحي بدري تفتحي الشباك عليه لمدة 3 تيام وتسيبي مروحة شغاله عليه على طول عشان تتاكدي انه اتهوى صح مش عاوزة حاجة تعفن انا عاوزة كل شغلنا في النضيف يا معلم
وتمسحي الارض
ااااااااااااااه من مسيح الارض
لو ارضيتك سيراميك يبئا خير وبركة وتنضفها باذن الله سهل ويارب يبارك لكل واحدة عندها سيراميك اما بئا اللي معندهاش سيراميك وعندها مشمع زيي مش عيب لا والله ماهو عيب بينضف وربنابس مسيح المشمع له طقوسه
طبعا بتجيبي جردل فيه مايه وصابون سايل وقليل من الكلور ومعطر مسيح بجيبه سايب حلو اوي ب3 جنيه لتر كده بس مش في ازازة في كيس
المهم هتمسحي وتحكي من غير بلل عشان الماية متنزلش تحت المشمع تحكي ع الناشف بلاش ابو سويلم الله يكرمك والارض لو عطشانة لا هي مش عطشانة
وتسيبيها وتروحي قالبة المشمع حته حته كده وعلى مهلك تمسحي تحتها وتنشفي وتسيبيها تتهوى وروحي شوفي عيالك وارجعي كده برضو حته حته لحد ما تخلصي على المشمع فوق وتحت طبعا تحت بس من نحية الفوارق بين قطعة مشمع والقطعة الاخرى من نحية الباب واتوصي بيه بالله عليك اتوصي بيه اوي لاحسن بيبقع على طول من الاحذية
انا حسيت انه ابن اختي من كتر ما بوصي عليه
في ناس بتحط النيش في الانتريه زي حالاتي اومال هحطه فين بيتي صغير الحمد لله نعمة والله
انا بغسله من جوه كل 3 سنين بس بلمعة على طووووول من فوق بجيب كرسي عالي وامسح سقفه من فوق
والمع خشبه وازازه من بره ومن جووووووووووه
وامسح الحتت اللي باينة والمفرش مش مغطيها والابواب بتاعة النيش والحواف من فوق
وانا معنديش سفرة وبالتالي عمري ما اتعاملت معاها كتنضيف فللاسف مش هعرف افيد حد في تنضيف السفرة
وبس كده انا خلصت الانتريه
نصلى على افضل خلق الله سيدنا محمد صلى الله عليه وافضل الصلاة والتسليم
اول حاجة نجيب الزعافة ونشيل العنكبوت اللي في السقف والاركان
وبعدها نطلع ونفكك الستاير عشان تتغسل
اغسلوها وعطروهها واجروا وانشروها على طول عشان متتكرمش ولو اتكرمشت ابئوا اكواها عشان المنظر العام للستارة ميضعش بكرمشتها
المهم تجيبي جردل مايه دافية وفيه شوية صابون سايل وليفة وفرشة ويكون الجردل صغير وتجيبي جردل كبير كده وفيه ميه نقية مش فيها اي حاجة ماية مبلولة يعني م الاخر
وتطلعي وتنضفي البلتكانة بتاعة الستارة اوي الماسورة اللي تسموه بئا
طب الستات اللي عندهم برقع تجيبي المكنسة وتشغليها على اوطى درجة وتطلعي البتاعة اللي موجودة جوة المكنسة بتاعة الستائر وتشفطي الغبار فوق وتحت ورا وادام عشان طبعا صعب انك تفكي برقع وتنضفيه وتجيبي بخاخة وتحطي فيها شوية معطر داوني او المعطرات السايبة اللي نازلة في السوق ميضرش اي حاجة تعمل ريحة حلوة وتقومي ترشي البرقه عشان تعطريه وتزهزهيه اديله واحدة فشفش فشفاش
المهم تيجي بئا للشباك لو شيش في الانتريه فكي الازاز اللي هي درف الازاز وتخشي الحمام ليفي وشطفي ونشفي وخرجيه على طول عشان الخشب مش يبوظ من الميه وينفش ويبئا عامل زي الفنتوش المفشي
وتروحي للبرواز بتاع الشباك وتدعكيه بالليفة داير مايدور وحتة قماشة وتلمعي وتشيلي اثار الصابون لو الليفة مطلعتش الغبار لان من الممكن ناس كتير مكنتش بتنضف الشباك اول باول اقولها استخدمي فرشاة الحمام
طبعا لو عرفتي تشلي الشيش خير وبركة وتغسليه في الحمام
اما لو معرفتيش يبئا هنغسلة وهو متعلق هتنزلي لجارتك اللي تحت منك لو تحت منك جيران استاذنيها قوليلها معلش يا غالية عقبال عندك هليف الشباك وده ناردرا ما يحدث يعني فلو فاتحة شباكك اقفليه ومش تتضيقي يعني مني كف الله الشر والله شئت ام ابت يعني وافقت او رفضت برضو اطلعي بيتك ونضفي انتي كده عداكي العيب وانزحزح
واطلعي ليفي وش وضهري وكبي مايه وسمعيني سلام بئا الارض لو عطشانة نرويها بدمينا ودم اللي خلفونا
خلصتي الشباك شدي بئا ع الباب خليكي كده فيكي عزيمة وهمة روحي للباب وليفيه ولمعيه وانتكيه بره وجوه بس استني قبل ما تطلعي بره هبي السقف بتاع باب الشارع من بره بس اوعي تخرجي كده ارجعي يا هبلة ارجعي
خشي البسي اسدالك واقفي لمعي الباب مش كده هه انا قولت اهو
اصلي ساعات بشوف ستات كده وتقولك اصل مفيش حد بيطلع وبينزل ساكنة هي في عمارة مفيهاش رجالة ولو فيها بيكونوا محارمها
ربنا يرحمنا ويغفرلنا يااااااااااااارب
يلا خلصنا حكي على خلق الله ورغي نموت في النميمة اه كمان بالله عليكي بلاش جارتك تخرج وتشوفك بتنضفي الباب وتفضل لوك لوك ومش هتخلص ما حضرتك تكوني مقدرة لسعتك وقت تخلصي فيه الحاجات دي يعني لما تدخلي الانتريه تقولي باذن الله يا فتكتك هخلص الانتريه ده في ساعة ونص يعني متديش لحد فرصة انه يعطلك حتى لو عيل من عيالك لو جارتك حبت تعطلك اديها عيل من عيالك وقوليلها بس نص ساعة اخلص واخده منك لاحسن ملبوخة على عيني وسي اللافندي جوزي لو لاقاني واقفة كده كتير هيعلقني
يلا بئا خوشي واقفلي الباب انا ايه اللي خلاني افتحه بدري قطيعة
عندك براويز؟؟؟؟؟
وسيباها ليه قوام نزليها ونضفيها ومكان ما كانت محطوطة شيلي الغبار من عليها وارجعي علقيها ........هبطتي؟
ياختي اصبري لسه مكملناش ساعة اصبري
تيجي بئا لسجادتك
اااااااه م السجاد
ياعيني تبئا الواحدة مننا متجوزة مقالهاش 7 سنين وسجادها معدوم وبره ومتهالك كل شوية هتنفض هيييييييييه عم رجب البواب يجي وياخد السجاد على قلبه ويقطع قلب السجاد ويبكيه بكاء مرير
والناس تتباهى انا بغسل سجادي 5 مرات وشوية اربع مرات
ايه.. ابه.....ايييييييييييييييييييييه......مسابقة هي
يا حبيبة قلبي حافظي على نضافة السجادة يوميا واسبوعيا وشهريا
يعني كل يوم يتكنس بالمكنسة.....اشطة
كل اسبوع مثلا تتشمس لو قدرتي
كل شهر لو حسيتي انها مش مزهزهه مش عجباكي شكلها مش عاطفي حكيها ع الناشف لو عجباكي ومحولة اقصد محلوة في عينك سيبيها خير وبركة
سؤال بئا بيطرح ذاته انضف واحكها ع الناشف ازااااااااي؟
هي كلآتي
تتم عملية الغسيل على ثلاث مراحل وهى
أولا شفط الأتربة من على الموكيت والسجاد .
ثانيا إزالة البقع من على الموكيت .
ثالثا عملية التجفيف والتطهير والتعطير للموكيت
اظن الكلام شارح نفسه
هتجيبي المقشة بتاعتك الحلوة والجاروف وتكنسي الارض وورا الكنب والوزرة ومتنسيش الوزرة
البتاعة اللي بتبئا في الحيطة من تحت وليها حافة كده بيكون فيها التراب بالكيلو يووووه مش عارفينها مش عارفلها اسم تاني بس اكيد في ناس حاسة بيا وهتفهمني في يوم من الايام
طبعا في ناس هتقولي ايه يا هدى نسيتي الكنب
هقول لا لا لااااااااااااااااااا ياماما لا منستش انا كنست عشان لما اجي انضف الكنب الغبار ميتطايرش على الكنب
المهم يعني كنستي الارض وورا الكنب وتحته وبرضو كنستي الوزرة
هتجيبي المكنسة وتشفطي الكنب ده شفطا مبرحا حتى يستغيييييث
يعني زخانيق ورا فوق تحت اشفطيه ومش تمرري عليه وش المكنسة مرور الكرام لا مرة واتنين وتلاتة اشيك اشيك
وبعد ما تخلصي تجيبي ماية وصابون سايل وبيكربونات فيهم وليفة نضيفة مش بتاعة الحوض لا واحدة تانية تكون جديدة وتغمسي الليفة في الخليط وتدعكي ايدين الكنب وكل حته تليفيها تجيبي حتة قماشة مبلولة وتشيلي الصابون من عليها وبعدها حتة قماشة نشفة وتنشفي بعدها كدهو لحد ما تخلصي كوووول الكنب طبعا ده في ظل فتح الشبابيك ووجود المراوح تجيبي بئا البخاخة اللي فيها ماية بمعطر وتفشي الفشاش في قلب الكنب كله تعطريه يعني وتزهزهيه عشان يعرف يتنفش من بعد ما شيلتي الغبار من عليه ربنا يصلح حالك كان طابق على مراوحه وكل يوم تصحي بدري تفتحي الشباك عليه لمدة 3 تيام وتسيبي مروحة شغاله عليه على طول عشان تتاكدي انه اتهوى صح مش عاوزة حاجة تعفن انا عاوزة كل شغلنا في النضيف يا معلم
وتمسحي الارض
ااااااااااااااه من مسيح الارض
لو ارضيتك سيراميك يبئا خير وبركة وتنضفها باذن الله سهل ويارب يبارك لكل واحدة عندها سيراميك اما بئا اللي معندهاش سيراميك وعندها مشمع زيي مش عيب لا والله ماهو عيب بينضف وربنابس مسيح المشمع له طقوسه
طبعا بتجيبي جردل فيه مايه وصابون سايل وقليل من الكلور ومعطر مسيح بجيبه سايب حلو اوي ب3 جنيه لتر كده بس مش في ازازة في كيس
المهم هتمسحي وتحكي من غير بلل عشان الماية متنزلش تحت المشمع تحكي ع الناشف بلاش ابو سويلم الله يكرمك والارض لو عطشانة لا هي مش عطشانة
وتسيبيها وتروحي قالبة المشمع حته حته كده وعلى مهلك تمسحي تحتها وتنشفي وتسيبيها تتهوى وروحي شوفي عيالك وارجعي كده برضو حته حته لحد ما تخلصي على المشمع فوق وتحت طبعا تحت بس من نحية الفوارق بين قطعة مشمع والقطعة الاخرى من نحية الباب واتوصي بيه بالله عليك اتوصي بيه اوي لاحسن بيبقع على طول من الاحذية
انا حسيت انه ابن اختي من كتر ما بوصي عليه
في ناس بتحط النيش في الانتريه زي حالاتي اومال هحطه فين بيتي صغير الحمد لله نعمة والله
انا بغسله من جوه كل 3 سنين بس بلمعة على طووووول من فوق بجيب كرسي عالي وامسح سقفه من فوق
والمع خشبه وازازه من بره ومن جووووووووووه
وامسح الحتت اللي باينة والمفرش مش مغطيها والابواب بتاعة النيش والحواف من فوق
وانا معنديش سفرة وبالتالي عمري ما اتعاملت معاها كتنضيف فللاسف مش هعرف افيد حد في تنضيف السفرة
وبس كده انا خلصت الانتريه
Posted in: تنتضيف الانتريه بالصور
0 التعليقات:
إرسال تعليق