تنضيف الالوميتال او تنضيف شباك الالوميتال بالصور

حبايب قلبي يا رباااااااات البيوت
انا جيت بئا نورت الغييييييط
يلا عشان اعرفكم ازاي ننضف الالوميتال او العداس او الشباك الالمونيا زي ما تسموه بئا
الالوميتال عندي في اوضة الاطفال
مسكت الاوضة هبتها يعني شلت العنكبوت م الاوضة بالمقشة واللي عندها زعافة يبئا اشطة وخير وبركة


بعدها جبت ما تيسر من جردل فيه شوية ماية وصابون سايل وجردل ماية للتشطيف وحتت قماش كتير لزوم التنشيف والتلميع وميضرش لو فيه جرنال وكمان فش فشفااااش اللي هي البخاخة يعني
وتمسكي الالوميتال من بره ومن فوق الاول

تجيبي المساحة بتاعة الالوميتال من عند عمو بتاع اتنين ونص لو معندكيش ومعرفتيش تشتري المساحة العادية بتاعة الحمام ليفيها واشبكي فيها حتة قماشة وعصاية قصيرة ولمعي وكل واحدة ودماغها واحنا فنانات ولينا دماغات
وبعد ما تمسحي بالمساحة اللي فيها القماشة اللي فيها ماية بصابون تجيبي حتة قماشة ناشفة تانية وتشيلي البلاوي السودا وبعدها تجيبي البخاخة وتفشي الفشاش في الازاز وبورق الجرنال تلمعي ودي الطريقي لتلميع الازاز


وبعد تلميع الازاز تجيبي قماشة وتلمعي الومنيا نفسها البرواز يعني
المهم نيجي للهم الناقع اللي هي المجرا اللي بتجري فيها درف الشباك نغسلها ازاي وونضفها ازاااااااي
تجيبي المكنسة
وتركبي فيها الاداة دي

وتشفطي اللي في المجرى كلها من اليمين للشمال
طب واللي معرفتش او الرمل كتير اوي ومشفططش تعمل ايه وتتصرف كيف
تجيب فرشة الجروف وتفضل تكنس تكنس م اليمين للشمال لحد ما توصل للنهاية وتقوم تشفط اللي في نهاية المجرى
والصور هتتحدث عن نفسها

 



خلصتوا كنس بس كده نيجي بئا ننضف الدرف وده امرها سهل ليف نشف لمع
طب والسلك
هتجيبي ليفة وتليفي السلك وترجعي بحتة قماشة وتلمعي لحد ما ينضف ويبئا زي الفل
واليكم الصور








بعد ما تنضفوا تيجوا بئا للمجرى نفسها هتقولوا هو احنا مش كنا كنسناها اه بس ملمعنهاش ما انا مرضتش المعها الاول عشان لما اجي اليف الدرف والسلك مطرطش مايه وصابون عليها واعكها واليط الدنيا



المهم وده منظرها بعد ما نضفتها

طبعا كده خلصت الالوميتال
طبعا متستغربوش الالوميتال الاصفر
انا بحب اللون الاصفر جداااااااااااااااااااااااااااااا
عادي

تااااااااااااااااااااااااااااابعوني

Posted in: تنضيف الشبابيك والالوميتال