Twitter Delicious Facebook Digg Stumbleupon Favorites More

الأربعاء، 24 نوفمبر 2010

جدول تنضيف للبيت للموظفين يومي واشبوعي وشهري

الى كل موظفة  بتاعني من كركبة البيت
بس المهم ان كل واحدة تنظم نفسها على ماااايناسبها م الجدول

لان كل موظفة ليها شكل خاص في يومها
طيب ايه هو اللي هنعمله كل يوم يا هدى في البيت مااحنا ورانا عيال وبيت وزوج وواجبات وخلافه
ممكن الموظفة تصحى بدري ساعة دا لو قدرتها مقدرتش يبئا قبل ما تنام
بس لازم الصبح ولو نص ساعة تعمل الاتي
  1. ترتيب السراير كلها كده تيك تيك بئ بئ مش تغير ملايات لا تساويها وتنفضيها وده للموظفين انا قولت اهو
  2. لازم الموااااعين تكون متنضفة من بليل وتعملي بخاخة فيها كلور وديتول ودايما ترشي الاسطح بتاعة المطبخ عندك والغسالة والحوض وبفوطة وماسحة واحدة مفيش غيرها عشان وقتك
  3. تطلعي تلمي الهدوم اللي مش نضيفة وجري اعملي برنامج وكمان وانتي بتلمي الهدوم هتلاقي ازازة ميه هنا وكمان لعب العيال زيحي اللعب على جنب ارمي في السبت على طول
  4. لمي كياس الزبالة وطلعيها برة البيت وحطي كياس جديدة
  5. الحمام قاعدة وحوض ع السريع والارضية ورشي الررشاش اللي قولت عليه واغسلي وشك وبس كده
طبعا هتقولولي فين الكنس طب التلميع بتاع البيت
معلش هنتبع نظام نص العمى ولا العمى كله
بس لازم بئا نعمل شوية نظام في البيت
بمعنى
اننا نعمل اوضة واحدة بس نقعد فيها بلاش التوغل في قلب الشقة وده للناس اللي ماشاء الله بيوتها كبيرة
يعني بلاش شوية على سريرك لا شوية على سراير العيال لا اصل جارتي جت فنقعد حبة ف الانتريه مجرد القعاد كده وتريحي المنطقة بتتمرمط اخر مرمطة
التنضيف الاسبوعي
اه تنضيف اسبوعي ورزكزوا معايا ماحانا مكنسناش ولا اي حاجة يادوب بنلم بس
  1. تنضيف ارضيات الحمام والمطبخ
  2. تنضيف ارضيات الاوض كلها وكمان السجاد بالمكنسة الكهربائية
  3. تنضيف بئا الموبليا من الرمل وكمان الزجاج بقالنا اسبوع قولنا الشر كله
  4. هنغير الملايات انا متعاطفة معاكم والله لابعد الحدود
طبعا لازم نبتدي بالحمام والمطبخ لان دول اصعب الامور والباقي كله سهل باذن اللهباحبه يا ماما
اكمل الجدول الشهري ولا هتتنفخواغضبانة جدا
اتنفخوا
الجدول الشهري
وده اللي احنا شغالين فيه من الوقتي احنا كستات بيوت بس بنعمل حته حته
  1. تنضيف الشبابيك تلميع بس من برة ومن جوة يعني مش محتاج نكب ماية لاننا لسه منضفنها قريب
  2. نغسل جميع جرادل الزبالة اللي ف قلب البيت ونرش بعد ما ننشفها ديتول بكلور الخلطة اللي بالكم فيها عاوزة انجز عشان محمد وادم ماتوا م العييط
  3. تنضيف الفرن بتاع البوتجاز اللي بيتنضف م السنة للسنة لازم الشهر للشهر بالله عليكم وكمان معاها التلاجة مش هتشيلي ارفف كلها لا الحتة اللي تحسيها نضيفة ف التلاجة سيبيها حسيتي ان كلها عاوزة الدش دشيها
  4. تنضيف الستائر والبراقع حسيتي انها مغفرة بس بالمكنسة واشفطي حسيتي انها مهببه لمي واغسلي
  5. تنضيف بئا الكنب بالمكنسة اشفط اشفط وكمان بالمرة السراير
  6. ودمتن

0 التعليقات:

إرسال تعليق

 
Design by Free WordPress Themes | Bloggerized by Lasantha - sherif alnaggr | Blogger Templates | تعريب وتطوير : شريف النجار