دولاب الاطفال



1. الاحتيطات اللي لازم نتوخاها....حلوة نتوخاها دي عند ترتيب اي دولاب بشكل عام
2. لازم نشيل الهدوم اللي مش بيلبسوها اذا كانت كبيرة قديمة او مش متماشية مع لبس اليومين دول واستحالة اني البسهالهم
3. عملت رف واحد عبارة عن اسبته مفرد سبت يعني حطيت فيها توك والتاني الشرابات والعلبة دي اكسسوارات وادراج كده صغنططة فيها الدرج اللي فوق ابر خيوط مقص واي حاجة تابعة للخياطة الدرج التاني فيه زراير واي حاجة تابعة لعمو بتاع الكولف والحاجات دي خردوات يعني الدرج التالت حطيت فيه القصافة الخاصة بيا وقصافة خاصة بالاطفال ودايما بتكون القصافة ضايعة في معظم البيوت عشان محدش بيعنها في مكان محدد دايما في درج والسلام دا غير اني حاطة بالرف ده المكواة
4. ملايات سراير الاطفال رصيها بودلابهم مش دولابك
5. الفوط اللي بتستخدميها بودلابهم
6. شنطك وشنط البيبي والشيالة في دولابهم برضوا
7. التطبيق لازم يكون مرصوص فوق بعضه بنظام يعني الترنجات فوق بعضها والبناطيل صف تاني التيشرتات الفساتين والجيب خليها تتعلق في شماعات
8. امسكي رف رف طبقيه عشان متحسيش انالموضوع كبير وتقيل عليكي يعني متقوليييييييش هييييييييييييييه اناهرتب لولولولولوولولولوولوللي هيصة وهاتك في تنزيل الدولاب كله وسهلبيسه سهلبيسة هالا هالا ع البعاليصة لا اهم حاجة راحتك النفسية في الترتيب لو عملتي كده هتتعبي وهتتخنقي من ترتيب الدولاب كله الا تنظيم الدولاب عاوز راحة بال ونفسية ميه ميه ممكن تعمليه على يومين بس المهم يكون الانتاج حلو

لازم يكون جنبك جردل مايه صغنطوط فيه شوة معطر وحتة قماشة مبلولة واخرى ناشفة عشان نلمع رف رف وننشفة كويس جداااااااا وحاجة كمان يكون جنبك شنط بلاستيك عشان الهدوم والكراكيب تطليعها كل قسم على حدى
اشطة كده؟
استنوني بئا هوريكم صور دولابي بعد ما رتبته زي ما قولت كده

دي الدرفة اللي ع اليمين فوق حاطة الملايات وكل ملايه فيها توابعها يعني اكياس المخدة والتكاوي والملاية اللي هلف بيها المرتبة وكده ويعني وقلبي بيوجعني

انا علقت شنطي في شماعات وعلقتها وشنط البيبيهات حاطتها تحت

 

 الدرفة الكبيرة لبس اولادي عندي 3
الاء 4سنين ونص
ادم سنة وشهرين
محمد شهرين
وكل واحد له رف
الرف اللي فوق بتاع محمد

 وده اطقم داخلية للبنت

 تحت الارفف بتاعة فيه درجين حاطة في واحد اطقم داخلية الولاد

دي هدوم ادم

 دي هدوم البنت

ودي الاسبتة اللي قولتلكم عليها

كده الدرفتين بشكل عام عشان محدش يتوه مني

دي الدرفة اللي ع الشمال
حطيت فيها لبس الخروج شماعات وحركات

 والعليقة تحت حطيت بيها الشماعات وملابس الخروج اللي مينفعش انها تتطبق ولو اطبقت هتكون بؤجة
وتحت منها ع الارض حطيت الفوط اللي باستخدمها على طول

وكده خلصنا من طوي او تطبيق وتنظيم الهدوم بتاعة الاطفال

كونوووووا معنا لسه الحوااااار كبير

Posted in: غرف النوم