اول حاجة عملتها كان من فترة مسكت الدولاب فاكرين لما رتبت دولابي وادراجي
بس النهاردة بئا كنست المراتب بالمكنسة وعطرتهم بالبخاخة وطلعتهم يتهوا في الشبابيك وطبعا في تحت السراير مفارش سرير ومخدات طويلة وخدديات اصل هنا في بورسعيد الجدع اللي ينجد مخدات وخدديات اكتر مسابقة مايعلم بيها الا ربنا
طبعا الحاجات دي انا بهويها دايما بقلب تحت السرير كده يمين وشمال واخرج الخدديات والمخدات واهويهم من حين لاخر عشان العفونة والعتة والحشرات
ما علينا بعدها مسكت السرير وشديته عشان اكنس التراب من جوه وحواليه زي ما وريتكم في اوضة الاطفال ولما خلصت كنس جبت جردل مايه ولمعت السرير وحته قماشة ناشفة نشفت طبعا في ملمع موبيليا اسمه بليدج ده هااااايل والله في تلميع الموبليا بس انا منزلتش عشان اشتري بسبب الببيبهات اللي عندي اللي تعرف تنزل تبئا تشتري لنفسها وتعمل حسابي ف واحدة
بعد كده جبت بخاخة وفيها شوية ديتول+كلور+ماية كله بكميات متساوية ورشيت تحت السرير طبعا ده منظف مطهر مانع لاي حشرة وسبت تحت السرير يتهوى ويتنفس كده وينعنش
روحت بئا للشباك بتاع الاوضة هو شيش درفتين عادي يعني فكيته ليفته شطفته نشفته وروحت ع البرواز بتاع الشباك قبل ماركبه انضفه ولميت الستارة ونضفت البلتكانة بتاعة الستارة وروحت جري عملتلها بورنامج عشان الحق انشرها عشان الحق اعلقها عشان متتكرمش واللي تتكرمش منها تبئا تكويها وربنا معاها طبعا انا عطرتها بالداوني عشان تبئا ريحة بنضافة ما انتي طول ما انتي بتنضفي بنضافة يعني مش تنضيف عك ولك عمرك ما هتدوري على معطر يعطرلك بيتك لان ست شاطرة +نضافة=بيت ريحته حلوة مفيهوش حشرات
اوعى واحدة تيجي تقولي انا زي الفل بس بيتي فيه صراصير اوعيييييييييييييي انا بقولك اهو
بعد ما ركبت الشباك طلعت فوق الدولاب نزلت الحاجات اللي فوقه من بطاطين والحفة مفرد لحاف يعني نزلتها لمعت الشنط المتعبية فيها وطلعت البطاطين واللحفة منها وسيبتها تتهوى على ما المع فوق الدولاب هتقولي في تراب اكنس الاول لا بلاش عشان مناخيرك وصدرك ياحبيبة قلبي +انك هتعفري الدنيا يا فالحة لمعي وانزلي شطفي القماشة وخالي معاكي كذا حتة قماشة فلة يعني ويامكترها في كل بيت
ولما يتوسخوا سوري ف اللفظ اعمليلهم برنامج كده في اخر اليوم اسمه برنامج نضفني شكرا وحطي فيه الفلل كلها مع حبة معطر واغسليهم
اه عطريهم في يوم الايام كانوا ولاد ناس بردو
وفوووووط المطبخ يخيييييييييييييييييي انا بشوف بلاوي مش هنا طبعا بيعاملوا فوط المطبخ انيل معاملة هبئا اديكم درس ف الاخلاق اقصد فوط المطبخ ازاي نتعامل مع فوط المطبخ والمطبخ نفسه بعد ما نضفناه ازاي نتعامل معاه عشان لما تنفضيه متتعبيييييييييش ويكون سهل بالنسبة ليكي
بعد كده انا تعبت وعيالي بهدلوني وكتر خير الدنيا وسويت البيت ولميته كده عشان اعصابي واعصاب العيال وخلت ع المطبخ بستغل اني واقفة ف المطبخ عشان انضف كل حتة ف المطبخ طول منا واقفه المع هنا وانضف هنا حتى الخلاط كل يوم بيتنضف
يلا اقعدوا بالعافية وتصبحوا على خير
بس النهاردة بئا كنست المراتب بالمكنسة وعطرتهم بالبخاخة وطلعتهم يتهوا في الشبابيك وطبعا في تحت السراير مفارش سرير ومخدات طويلة وخدديات اصل هنا في بورسعيد الجدع اللي ينجد مخدات وخدديات اكتر مسابقة مايعلم بيها الا ربنا
طبعا الحاجات دي انا بهويها دايما بقلب تحت السرير كده يمين وشمال واخرج الخدديات والمخدات واهويهم من حين لاخر عشان العفونة والعتة والحشرات
ما علينا بعدها مسكت السرير وشديته عشان اكنس التراب من جوه وحواليه زي ما وريتكم في اوضة الاطفال ولما خلصت كنس جبت جردل مايه ولمعت السرير وحته قماشة ناشفة نشفت طبعا في ملمع موبيليا اسمه بليدج ده هااااايل والله في تلميع الموبليا بس انا منزلتش عشان اشتري بسبب الببيبهات اللي عندي اللي تعرف تنزل تبئا تشتري لنفسها وتعمل حسابي ف واحدة
بعد كده جبت بخاخة وفيها شوية ديتول+كلور+ماية كله بكميات متساوية ورشيت تحت السرير طبعا ده منظف مطهر مانع لاي حشرة وسبت تحت السرير يتهوى ويتنفس كده وينعنش
روحت بئا للشباك بتاع الاوضة هو شيش درفتين عادي يعني فكيته ليفته شطفته نشفته وروحت ع البرواز بتاع الشباك قبل ماركبه انضفه ولميت الستارة ونضفت البلتكانة بتاعة الستارة وروحت جري عملتلها بورنامج عشان الحق انشرها عشان الحق اعلقها عشان متتكرمش واللي تتكرمش منها تبئا تكويها وربنا معاها طبعا انا عطرتها بالداوني عشان تبئا ريحة بنضافة ما انتي طول ما انتي بتنضفي بنضافة يعني مش تنضيف عك ولك عمرك ما هتدوري على معطر يعطرلك بيتك لان ست شاطرة +نضافة=بيت ريحته حلوة مفيهوش حشرات
اوعى واحدة تيجي تقولي انا زي الفل بس بيتي فيه صراصير اوعيييييييييييييي انا بقولك اهو
بعد ما ركبت الشباك طلعت فوق الدولاب نزلت الحاجات اللي فوقه من بطاطين والحفة مفرد لحاف يعني نزلتها لمعت الشنط المتعبية فيها وطلعت البطاطين واللحفة منها وسيبتها تتهوى على ما المع فوق الدولاب هتقولي في تراب اكنس الاول لا بلاش عشان مناخيرك وصدرك ياحبيبة قلبي +انك هتعفري الدنيا يا فالحة لمعي وانزلي شطفي القماشة وخالي معاكي كذا حتة قماشة فلة يعني ويامكترها في كل بيت
ولما يتوسخوا سوري ف اللفظ اعمليلهم برنامج كده في اخر اليوم اسمه برنامج نضفني شكرا وحطي فيه الفلل كلها مع حبة معطر واغسليهم
اه عطريهم في يوم الايام كانوا ولاد ناس بردو
وفوووووط المطبخ يخيييييييييييييييييي انا بشوف بلاوي مش هنا طبعا بيعاملوا فوط المطبخ انيل معاملة هبئا اديكم درس ف الاخلاق اقصد فوط المطبخ ازاي نتعامل مع فوط المطبخ والمطبخ نفسه بعد ما نضفناه ازاي نتعامل معاه عشان لما تنفضيه متتعبيييييييييش ويكون سهل بالنسبة ليكي
بعد كده انا تعبت وعيالي بهدلوني وكتر خير الدنيا وسويت البيت ولميته كده عشان اعصابي واعصاب العيال وخلت ع المطبخ بستغل اني واقفة ف المطبخ عشان انضف كل حتة ف المطبخ طول منا واقفه المع هنا وانضف هنا حتى الخلاط كل يوم بيتنضف
يلا اقعدوا بالعافية وتصبحوا على خير
1 التعليقات:
ماشاء الله عليكي نظيفه
إرسال تعليق