11:38 ص
هدى سمير
تنظيم التسريحة
التسريحة مهمة جدا في كل بيت وفي اللي بتحب تكربسها ميكب واكسسوريز واكنها داخلة مسابقة اكتر علب مكياج واللعب بالباتيناج :\
دا غير بئا اللي تحب تحط تحت الازاز ايات قرآنية وكمان كروت السبوع وكمان آية الكرسي وصورة المحروس ابنها
وغير اللي بتحب ترص البونبونيرة والتحف الصغيرة بتاعة السبوع ...معتيش تروحي سبوع حد مادام هتعملي كده ف تسريحتك
وماتخليش مكان فاضي ع التسريحة ودا طبعا بيزحم الاوضة ويصغر في مساحتها لو مساحة الاوضة صغيرة وكمان تحسي ان الاوضة منكوشة ومش عارفة المصيبة جاية لك منين
دا غير اللي بتحب تفرش التسريحة مفارش كتير ويا حبذا لو فرووووو اصل الفرو موضة
ياريت لو انتِ من محبي المكيب اب تتاويها يعني اعمل دولاب مخصوص للحاجات دي او رصيها ف ادراج التسريحة
وبلاش الرص دا متعب ليكي انتِ في التلميع والتنضيف اعمل سلال ورصي فيها حاجتك زي كده مثلا
البساطة والرقة في كل حاجة عنوان للشياكة والرقي
0 التعليقات:
إرسال تعليق