تنضيف المكنسة وكيسة المكنسة بالصوووووووور

تنضيف المكنسة وكيسها

طبعا بعد ما دخلنا القرن الحادي والعشرين اصبح للمكنسة دور مهم في البيت
مثل دور المرأة في المجتمع
ونحن لا ننكر هذا
والبيت اللي من غير مكنسة زي سرير من غير مرتبة

طبعا كل ماتكون المكنسة كيستها نضيفة اعرفي ان قوة شطفها هتكون اقوى واشد
وكل ما تكون الكيسة نضيفة كل ما هيكون ريحتها كويسة ومش هيطلع منها الروايح الغير مرغوب فيها دي
فلازم من حين لاخر ننضف المكنسة بكيستها
واللي تنضف كيستها وتحس ان قوة الشفط برضو مش قوية تعرف ان في حاجة يا اما في الماسورة او وش المكنسة اللي بتمشي بيها ع الارض
ودي حلها ايه؟
بتجيبي اي حاجة طويلة زي ابرة التريكو كده وبتمديها في الماسورة من الناحيتين هيطلع معاكي كومة شعر ورقة كيسة هتلاقي في حاجة المهم هي اللي معرقلة حركة شفط مكنستك الغالية
طيب الكيسة ودي اللي بيستصعبها الكثير مننا وبيكون شايل همها
والله الحوار سهل جدا اكنك بتربطي شنطة زبالة او بتجمعي الزبالة عشان ترميها م البيت
بتفكي الكيس م المكنسة وبتحطيه جوا شنطة سودة كده


وتحطي ايدك جوا الكيسة وتقفلي عليها اوي وايدك بس اللي جوا وتفضي محتويات الكيس جواها وبعدين بتخرجي كيس المكنسة وبتقفليها الكيس الاسود استعدادا لرميه في الزبالة
وطبعا انتي بتفضيها من تحت بتشيلي البلستكة دي عشان تعرفي تفضي الكيس كله وسريعا


وبعدها بتاخدي الكيس وبتجري على الحوض بتاع الحمام وتحطي الكيس تحت تيار من الماية لحد ما كل الرمل ده ينزل


وبعدها هتحطي الكيس في طبق فيه شوية ماية ورابسو بس وبتسيبيها شوية


وبعد ما يتنقع حبة صغيرين قومي امرشيها مرشتين واشطفيها كويس اوي لحد ما الماية تحسي انها خارجة لونها كويس ونقية
وبعدين طبق ماية وتحطي فيه معطر
ولو مافيش معطر يسعفك ترشي زي ما قولت شوية برفان او كلونيا في الماية بتاعة التعطير
كل ما تسيبي الكيس مدة اطول في ماية التعطير كل ما يكتسب ريحة تدوم اكتر
وبعدها بتنشريها ولما ينشف الكيس خالص ركبيها جوا المكنسبة وتنضيف المكنسة مش بتحتاج كجهاز تنضيف شاق انتي بس يا دوب بتمسحيها بقماشة ناشفة برة وجوا وهتبقى زي الفل




وتمتعي باقوى شفط وتنضيف في البيت

Posted in: تنضيف الاجهزة الكهربائية المنزلية بالصور