4:16 م
هدى سمير
غسيل السجادة في الحمام
اي سجاد يتغسل في الحمام يعني كبير صغير طويل قصير
حتى لو الحمام صغير بس عاوز منك بس طولة بال
طبعا اللي بتحب تودي سجادها لدراي كلين لانه ماينفعش يتغسل بماية والطريقة دي اقولها تمام وعندك حق
واللي بتتعب ومش بتقدر انها تغسله وبتديه للبوابة تغسله زي ماكنت باعمل ايام الحمل اقولها ربنا يديكي الصح واللي يريحك اعمليه يا ست الكل
اما اللي مش بتقتنع بكل دول وبتحس انها سجادها نضف لما تيجي وتغسله بايديها الطاهرة في حمامها اليكي هذه الطريقة
.
.
.
قبل ما تلفحي السجادة وتشدي ع الحمام لازم تشفطيها كويس بالمكنسة كويس اوي عشان تكون سهلة في غسيلها وبعدها بتاخديها جوا الحمام وتكبي جردل ماية ورا جردل ماية عشان تتبل وبعدها بتجيبي جردل ماية وشوية كلور وحبة مسحوق وترغيها كويس وتجيبي مقشة خشنة عشان ننقع السجادة
ما لازم السجادة تتنقع
وقاعدة كمان عشان تخلي الحاجة سهلة في تنضيفها لازم تنقعيها شوية وخصوصا لما تكون شديدة الاتساخ وفيها بقع
وبالمقشة الخشنة وتوزعي في السجادة الرابسو بالكلور
طبعا مش هنختلف كلور الوان او كلور ابيض الاتنين هيكونوا مخففين يعني لان دا جردل ماية مش اي كلام
وتمسكي حتة حتة تنضفيها كويس اوي بالمقشة والجزء اللي تخلصي منه تلفيها رول لحد ما تخلصي خالص كلها وتفضلي سيباها كده ولكأنها منقوعة
وبتسيبيها وبتروحي تشتغلي في اي حاجة برة في البيت
وبعدين بترجعيلها بقى بعد كام ساعة كده
ونيجي بقى للمهم
بتمسكي حتة حتة وتكبي عليها شوية كلوركس الوان ديركت (مباشر يعني )_مابقدرش استغنى عن اللغة
شوفتوني وانا كابة حبة اد ايه الاقتصاد حلو برضو وبتوزعي الحبة دول في الحتة اللي هتغسليها بالفرشاة الصغيرة الخشة وتفضلي اشيك اشيك اشييييييييك
وترغي كده وتلعلطي
وبعد ما بتخلصي كل السجادة بيجي بقى وقت الشطف
بتشطفي برضو السجادة جزء جزء بماية وجردل ورا جردل عاوزة السجادة تزيأأأأ
السجاد لو ما اتشطفش كويس
بيعمل ريحة +انه بيكون ملزق
وتكبي ماية وبالمساحة وتزيحي منها
وتلفي رول وتشطفي برضو ضهر السجادة معاكي مش هتاخد منك تعب ولا مشقة تلفي وتكبي
وبعد ما بتخلصي تشطيفها كلها بتوقفيها على الحيطة تسمع الزيطة وتتصفى كويس اوي اوي
وبعدا بتهويها وبلاش تشمسيها سمعت انها غلط والله اعلى واعلم
نيجي بقى لمرحلة تعطير السجادة
لما السجادة تبدأ انها تتصفي وهي على السور تجيبي بخاخة وفيها داوني كمفورت شوية ماية باي زيت عطري وترشي السجادة كلها بخ بخ بخ
وبكده السجادة تكون نضفت وكل عام وانتم بخير
وباذن الله هاتكلم عن تنضيف السجاد ع الناشف
وتلميع السجادة
والاتنين في فرق بينهم
Posted in:
0 التعليقات:
إرسال تعليق