طريقة عمل الشاتوه المصري وحصري واصلي وبالصور مع هدى سمير

 

دي طريقة عمل الشاتوه من مطبخ هدى سمير

يعني لا تقولولي الشيف شراييني ولا الست غالية ولا ست الكوبيات بجنيه

خدي مني انا واتكلي على الله

وسمي بالله

اي حد يعرف يعملها والله سهلة وطعمها حلو

وممكن كمان بنوتة صغيرة تعملها

اولا :المقادير

 ا كوب دقيق

اكوب لبن

ا كوب سكر

املعقة كبير بيكنج بودر

املعقة نسكافيه ملعقة صغيرة 

كل حاجة واحد اهو

3|4 كوب زيت كريستال الدرة الشهية الفين سلام وتحية (تلت تربع كوب )

4 معالق كاكاو خام مش اللي في علبة لا خام من عند العطار السايب دا قوليله حبة بجنيه ياعمو وخدي منهم 4 معالق

3 بيضات

فانيليا

نقطتان من الخل

الطريقتة

هتجيبي مج محترم عشان هتعايري بيه كل حاجة

وقبل ما تعيري بيه السوايل عايري النواشف

يعني عايري كوب الدقيق الاول وانخليه مع معلقة البيكنج بودر

بالشكل دا

 وبنفس الكوباية عايري كوباية سكر من بتاع التموين مش وحش جميل وبتجيبي شفشق الخلاط بتاعك وبتحطي السكر واي حاجة تانية هاقولها بعد كده

 لازم زيت يكون كريستال درة عشان خفيف ع المعدة وكمان لو الاطفال هياكلوا منها تكون خفيفة على معدتهم

 بتعايري تلت تربع كده وتحطيه في الخلاط

 بتملي غطى ازازة الخل كمعيار وبتحطيه

 كوب لبن برضو تحطيه في الخلاط

 معلقة صغيرة نسكافية برضو في الخلاط

 4 معالق كبيرة كاكاو وتكون مش مليانة اكنها مغرفة عشان الكيكة ما تلكمش معاكي  يعني المعلقة تكون عادية لاهي ممسوحة معدومة ولا هي مطفطفة

 وبتحطيهم كلهم جوا الشفشق كده وتضربيهم حتى يغلظ قوامها طبعا انتي ضربتي كل حاجة ما عدا ايه؟

ماعدا البيض يعني اضربي كله المقادير ما عدا البيض

وبعد ما بتتضرب بتكون بالمنظر دا

 بتطلعيي منها تلت تربع كوب على جنب

وبعدين تاخدي ال3 بيضات وتحطيهم في الشفشق وتضربيهم في الخلاط

 وبعدها حطيهم في الدقيق والبودر اللي كنا نخلناهم في الاول واضربيهم بالمضرب اليدوي او الكهربا اللي عندك يعني 

 ادهني صنيتك وحطيها في الفرن في درجة حرارة متوسطة لمدة 20 ق وكل واحدة وفرنها يعني تابعيها

 ولما تستوي وتخرجيها وهي سخنة حطي تلت تربع البتاع اللي احنا كنا عينيه على جنب وتفرديه ع الوض بس بعد ما ترشيها جوز او مكسرات ناعمة حسب رغبتك

 وتوزعيها كده بضهر المعلقة وبالف هنا