Twitter Delicious Facebook Digg Stumbleupon Favorites More

الثلاثاء، 7 فبراير 2012

تنضيف البيت كله في يوم واحد بس لمدة 3 ساعات بالصور

اكيد كلنا راكنين في البيت اخدين الريموت في حضننا وقاعدين جوا الشاشة مع المذيع دا شوية
ومع المذيعة دي شوية
وحبة في شارع محمد محمود
ولما نحب ننفس عن نفسنا بنتفرج على مجلس الشعب اللي بنامل انه يعبر عننا ويجيب حقنا
اهو مجلس الشعب دا بيفكرني بالعربية النص نقل اللي صاحبها باع اللي وراه واللي ادامه وباع صيغة مراته عشان يجيبها ويشتغل عليها يوجيب فلوس
وهو فعلا لا يوصف الا بكده ان المجلس دا شقى المصريين

كل اللي بنعمله في البيت بنطبخ ونعمل الحمام ونغسل غسيل وننشر غسيل وبس كده ومات الكلام وانتحر الحوار

ما احنا سيادتنا مش فاضيين
بنتفرج وبنتابع وبنزبهل
والازبهلال دا بياخد وقت مننا ومجهود ودا لا ننكره
قررنا نحن جروب نضفني شكرا القيام على البيت قومة رجل وااااااااحد
http://files2.fatakat.com/2012/2/13286371201314.gif

حان وقت الجد
والتنضيف
وزي ما فرحة قالت نحافظ على التنفيضة اللي نفضناها
المطبخ

قبل ماننام النهاردة لااازم يكون المطبخ نضيف فلة عشان الصبح ماياخدش وقت مننا


هنصحى بدري باذن الله قبل ما الاخبار تشتغل

ونشغل المكنسة ونجري ع البيت كله نكنس السجاد والمشايات ولو في سجادة عاوزة تتحك ع الناشف حكوها وبعدين كل سجادة تتكنس كويس اوي تتلف رول وتقف على جنب
لحد ما تخلصي كل السجاد وبعدين زي الشاطرة تاخدي سجادك وتهويه مكان ما بتهويه
وبعدين تجيبي المقشة والجاروف وتكنسي البيت كله كله
http://files2.fatakat.com/2012/2/13286379191871.gif

الانتريه

وبعدها تجيبي طبق جردل ماية وفيه شوية معطر و ملمع الزجاج وقماش لتلميع الازاز ولتلميع الموبليا وتدخلي ع الانتريه مدخل البيت
http://files2.fatakat.com/2012/2/13286381766263.jpg

تشفطي الكنب بالمكنسة وتلمعي الموبليا وباب الشارع والشباك من جوا  وتمسحي الارض
  مين تعرف؟؟؟؟؟؟؟؟؟حاجه طبيعيه لتنظيف الخشب
مين تعرف؟؟؟؟؟؟؟؟؟حاجه طبيعيه لتنظيف الخشب

تروحي تغيري الماية وتدخلي على اوضتك
اوضة نومك

تلمعي الموبليا والازاز وتغيري فرش الملايات وتهوي البطاطين وتلمعي الشباك والباب
اوضة العيال

رووحي غيري الماية وادخلي اوضة الاوباش
غيري الملايات وهوي البطاطين ولمعي الموبليا وامسحي الارض وسيبيها متهوية شوية يعني نص ساعة كفاية عشان الجو ساقعة وتراب
وبعدها ادخلي ع المطبخ امسحيه بس انتي عملاه من امبارح
الحمام

وبعدين اخر حاجة الحمام عارفين المهام فيه ايه
http://files2.fatakat.com/2012/2/13286381151355.gif

وسيبي الارض والبيت ينشف واطلعي هاتي سجادك وافرشي وبعدها ادخلي اطبخي
ليكم كام ساعة ع الحوار ده 3 :4 ساعات اقول واجب
وبعدها ادخلي اطبخي

0 التعليقات:

إرسال تعليق

 
Design by Free WordPress Themes | Bloggerized by Lasantha - sherif alnaggr | Blogger Templates | تعريب وتطوير : شريف النجار