تنضيف تحت السراير بالصور

ازاي بئا ننفض تحت السراير
نسمي الله كده ونشمر اكممنا
هتجيبي المكنسة قبلها بيوم وتقومي مفضية كيسها وتغسليه وتعطريه بداوني كده ودلعيه عشان لما تيجي تشفطي يخرج ريحة حلوة م المكنسةوتحسي انك بتنضفي بنضافة طب المكنسة دي هنعمل بيها ايه هتجيبي المكنسة وتشفطي السراير وش وقفا كما بالصور






وبعدها تجيبي الفشفش فشفاش البخاخة يعني وتحطي فيها شوية معطر على شوية ماية وترشي المراتب وش وقفا وتلفحي مرتبة مرتبه وتشمسيها

بعد ما تطلعي المراتب في الشبابيك م الصبح بدري عشان تاخد حقها طبعا احنا عملنا بالمكنسة المراتب عشان منعملش عادات اهالينا القديمة نمسك المضرب وندي المرتبة علقة سخنة لا ده كان زمان وطبعا احنا بنفض نطير الرمل والمرتبة تلق الرمل والغبار تاني يعني بنعذب المرتبة على الفاضي
المهم
هتطلعي حاجة حاجة من تحت السرير
طبعا في حاجات ثابتة مش هتتفرز زي هدوم شتوي احنا عيننها بتاعت عيالنا سيبيها متفرزيهاش كل اللي هتعمليه هتلمعي الشنطة كده بحتة قماشة مبلولة ومعصورة جدااا لازالة الغبار والتراب اللي عليها زي الصورة دي


والكراكيب بئا واللي مالهوش لازمة ارميه معلش اعصري على نفسك لمونة وانتي بترتبي واي كراكيب ارميها متخليش في بيتك حاجة مالهاش لازمة
المهم طلعتي الشنط اللي تحت السراير وفرزتيها طب والكراتين لو فيه كراتين عندك قدمت جدديها يعني انزلي لعمو البقال وهاتي من عنده كرنتوتين كده وصايا عشان تعبي فيها الحاجات اللي انتي عينها في كراتين من قديم الزمان وزي ماهي غيري دايما الكرتونة عشان متلمش حشرات وصراصير
المهم فضي تحت السرير واكنسي جوة السرير وبراه وحوالينه زي الصور دي






وبعدها امسحي بمية وشوية معطر مسيح من عند عمو بتاع المعطرات السايبة هتيلك حبة ب3 جنية يملو لتر كده ولا حاجة


وتسيبي الارض تنشف بتاع نص ساعة وروحي اقفي في المطبخ ولا رتبي ولا اعمليلك حاجة ارجعي بئا وهاتي معاكي بودرة نمل ورشي الارض تحت السرير كله
وهاتي عجينة صراصير واعجني وكوري ولزقي في اركان السراير زي كده



لو عرفتي تلزقي اشيك من كده يكون احسن من المنظر الغير حضاري اللي انا عملاه ده
بعدها تقومي جايبة ملاية قديمة مش بتستخدميها خالص وتفرشيها على الارضية اللي تحت السرير وترصي الشنط والكراتين
انا عاملة تحت سرير الهدوم بتاعةة الاولاد والتاني حاطة فيه كراتين فيها ادوات وحلل مطبخ مش بستخدمها كده وكل فتوكة ونظامها
وبعدها قفلي بئا الالواح وحطي المراتب وافرشي وارتاحي بئا على كده اكيد تعبتي الله يكون ف عونك

صور اوضة الاطفال



 

Posted in: غرف النوم