3:04 ص
هدى سمير
اول حاجه واهم حاجه اننا نعمل
دورة الخل كل 3 شهور مع درجة حراره 60 و تعمل على بروجرام 3 أو C حسب نوع الغساله.
(دا تعديل من ام مريم جزاها الله كل خير لان زوجها لديه خبرة )
بنحط كوب خل في الغساله ونشغلها دوره كامله بدون مسحوق اوغسيل
دي بتنظف الغساله من اي اثار للمسحوق او المنظفات او الترسبات الجيريه بتاعه الميه
هيحافظ علي الغساله من جوه نظيفه وسليمه
وطبعا بنضف جسم الغساله الخارجي بالصابون والماء او بجلانس اي بيخليها بتلمع من ورا وقدام والجنب والجزء بتاع المفاتيح بيتنظف بفرشه اسنان
وكمان الخرطوم بتاع الصرف ووصله الميه كله يتلمع تمام
اوك كده خلصنا من بره ومن جوه الغساله
درج المسحوق
طبعا ده بيتراكم فيه بعض المسحوق ويعمل تكلسات جامده مع املاح الماء لازم يتنظف علي طول علشان مش يبقي جامد ومتحجر
اول حاجه لازم نطلع درج الغساله ومش ننظفه وهو مكانه
لييييه
علشان ننظفه من تحت ومن الجوانب وننظف مكانه كمان في الغساله لان بيكون جواها برضه بعض الرواسب نطلعه ازااااااااااي
فيه سهم مكتوب عليه push هنغط عليه ونسحب الدرج
وهنشوف الصور ده الدرج وعلشان نطلعه هنضغط علي الجزء اللي عليه علامه زرقاء في الصور
هنطلع نغسله من جميع الجهات كويس بالميه والطابون واو لقيت حاجات لازقه صعب تشيليها نستخدم الخل هيدوبها علي طول
لو نظفتيه باستمرار عمرك ما هتلاقي حاجه لازقه جامد فيه
وننظف مكانه جوه الغساله كويس برضه
علي فكره انا اعرف ناس عمرها ما شالت الدرج من مكانه من كتر التكسات حواليه وتحته قفل ومفتحش خابلص غير لما الصيانه جت وفتحت الغساله نفسهاعلشان تتطلع طب ليه ما الحل سهل ننظفه علي طول بسهوله
ونرجعه مكانه تاني
صور الدرج
نضغط علي الجزء الازرق
خرج
بعد
من تحت
مكانه في الغساله
اتركب
الفلتر
نضغط علي الجزء الاحمر اللي في الصوره هيتفتح باب الفلتر
نلفه ناحيه الشمال عكس عقارب الساعه
هيتفتح نطلعه ونلاقي جواه ايه
اي خيوط او وبر من الهدوم وممكن تلاقي التكلسات الجيريه اللي دوبتها دوره الخل
وده لازم يتنظف باستمرار علشان او اتسد الغساله هتنزل ميه علي الارض
نفتحه كل فتره ونظفه تحت الماء بالصبون ونرجعه مكانه
الفلتر
الباب
طبعا ننضفه من بره ومن جوه كويس واهم حاجه ننضفها الجوان الكاوتش اللي حواليه
افتحي الجزء المتني ده بايدك كده هتلاقي جواه حاجات كتير ماء من الغسيل وممكن دبوس كان في الهدوم وبيتراكم فيه الحاجات دي اولا بتخلي للغساله ريحه وحشه تاني حاجه بتخلي الجزء الكاوتش ده ينشف ويشقق ويسرب ماء لازم ننظفه علي طول داير ما يدور الباب اكتر جزي هتلاقي فيه اوساخ هو الجزء اللي تحت عند الجزء المضغوط في الكاوتش
نشفيه كويس بسفنجه تسحبي الميه منه وبعدها تنفيه كويس بصابون وتنشفيه
الباب
الدعاء والتقييم يا بنات
Posted in:
5 التعليقات:
لك جزيل الشكر و لكن يوجد تعديل بسيط و هو
دورة الخل كل 3 شهور مع درجة حراره 60 و تعمل على بروجرام 3 أو C حسب نوع الغساله.
و مشاركة منى أى سؤال لأى عضوه عندها مشكله فى الغسالات و الثلاجات ممكن تسأله لى و سيكون الجواب مفيد لأن زوجى مهندس و صاحب مركز الكويت للتبريد و التكييف و الغسالات الفول اوتوماتيك
طيب يا حبيبتى ممكن اعرف ينفع احط كلور ابيض فى الغسالة ولا لا؟
لا يا ست الكل ما انصحش بوضع كلور جوا الاتوماتيك
عاوزة تحطي كلور عشان الغسيل يبئا انقعيه بره الغسالة بالكلور وبعدها ابئي اعمليله برنامج
نصائح من ذهب
دا انتي اللي تواجدك معانا دهب
إرسال تعليق