11:16 ص
هدى سمير
بسم الله الرحمن الرحيم
النهاردة هتكلم عن ترتيب دولاب غرفة النوم وخاصة العرايس
او غير العرايس
حتى لو ربة بيت كوني دايما عروسة وادلعي عادي خالص
اقسم الدولاب نوصين
نص لزوجك والنص التاني ليكي
وكل واحد وحاجته
نبتدي باليمين اللي هو الرجل
هنا البلوفرات العادية في بلوفرات طخينة اوي وسميكة لما بنيجي نطبقها تحسي اكنها بئت بؤجة دي نعلقها في الشماعات وبرضو الجواكيت والسويترات دون جدال في الشماعات بناطيل الخروج القماش والجينز الخفيف اللي كل شوية محتاج انه يتكوي برضو في الشماعات عشان يبئا سهل في الكوي
هنا اول رف زي ما قولت البلوفرات العادية
هنا التي شرتات والهاف كوولات والبناطيل بتاعة البيت وورا خالص الشورتات الفانتزيا بتاعة البيت
هنا بئا الجواكيت البلوفرات البناطيل القمصان العبيات
طبعا بنحاول اننا نرتب الطويل العبايات البيضة وبعدها الجواكت الترينجات التقيلة طبعا مينفعش انها تطبق وخاصة اللي جاية على حرير شوية بتكون صعبة في الطوي ورخمة كده وبعدها البلوفرات القمصان ام الكم البناطيل
طبعا كل بلوفر او قميص معاه البنطلون اللي بيمشي معاه اللي هما صحاب يعني
وكمان هنا الدولاب مترتب ترتيب شتوي لان الصيفي باعينه في شنطة شيك بشكل منظم تحت السرير عشان الزحمة والنفس والاكسجين والخنقة لاحسن انا باتنفخ اصلا على طول
هنا بئا انا حاطة الملايات اللي بلف بيها المراتب حفاظا عليها يعني دي غير الملاية الطقم بتاع السرير او المفرش التيلزي ما تسموه بئا
وكمان حاطة معاه اكياس التكاوي والمخدات الزيادة عن الاطقم وكمان حاطة الكوفرتيات اللي باستخدمها
وده الرف اللي فوق الشماعات على طووووووول بتاعة الراجل قولت يعني استغلها اسوأ استغلال
الدرفة بئا اللي جنبها حاطة باقي المفارش التيل بتاعة السرير وكل طقم معاه توابعه من اكياس المخدات والتكاوي او الخداديات الصغيرة وكل واحدة ومسمياتها
تحتهم بئا راصة هدومي طبعا يمين خالص حاطة العبايات والاسدلات وبعدها الارواب طبعا في ارواب كتير عيناها تحت السرير لاني مش باستخدمها اللي هي التقيلة اوي دي انا بعلق روبين اتنين بس باستخدمهم والباقي عيناهم برضو عشان الزحمة والكلام ده
بعد الارواب القمصان النوم باروابهم وبعدها الانجيرهات الطويلة ثم القصيرة بالتدريج عشان لما نيجي نلبس نعرف نختار بكل سهول عما يكونوا مطبقين وكمان لما بيتعلقوا مش بيتكرمشوا وتحتاجي انك تكوي وساعات في ناس بتحطهم في علب كده ويجوا يلبسوها اكنهم مخرجين الهدوم لا مؤخذة من بوق كلب
وكل واحدة بئا ونظامها
انا اقصد يعني اقول اننا فين وفين لما بنيجي ونلبس قمصان ونتزوء لرجالتنا الغلابة فيعني بناخد وقت على ما ننقع نفسنا وننضف وننيم العيال وبتاع فعاوزين ننجز يعني ع السريع ومناخودش وقت في تظبيط نفسنا واختيارنا للقميص ةكويه والكلام ده وكمان ترتيب الانجيرهات في ادراج او علب بيكون صعب اوي جدا علينا ترتبيه ورؤية كل القمصان وفي ناس تستسهل وتلبس هو قميص واحد ع الوش وبس لما عقدت الراجل بالنسخة الوحيدة دي
فحلاوة تعليق الانجيرهات التنوع في اللبس وسهولة الاختيار من غير لك وحكي كتير
نيجي بئا للبيجامت من شتوي لصيفي والقمصان من طويل وقصير وبكم ونص كم
انا زمان كان عندي قمصان بكم ونص كم كتير جدااااااااا وكان واخد مني مساحة بالرغم من اني مش باحب لبس القمصان الطويلة دي في البيت باحب البيجامات اكتر والترينجات والقمصان القصيرة فاتخلصت من عدد كبير اوي من القمصان عشان احس كده بالبراح
اصل انا غاوية اي حاجة مالهاش لازم ومش بتستخدم استخدام دائم يا اما في شنطة هدوم وتحت السرير او يا اما تطلع لصاحب نصيبها
فعشان احنا في الشتا فباحط الهدوم الصيفي فوووووق خاااااااااااالص والرف اللي تحت خااااااااالص
والرفين اللي ف النوص باحط الهدوم الشتوي عشان تبئا في متناول ايدي ورجلي
طبعا اللي في الصورة ده الرف اللي فوق خالص حاطة فيه الهدوم الصيفي
القمصان بئا الطويل تحت ابو كم
وام نص كوم فوق منه ثم القصير وكده ويعني
الرف التاني البيجامات والترنجات الشتوي
هنا الرف التالت القمصان الشتوي وباقي البيجامات
اخر رف البيجامات الصيفي باشكلها العدة
وده شكل الدرفة من الخارج
نيجي بئا للكوميدينو
الردج اللي فوق فوط التواليت الصغير طبعا مش هصوره كفاية اللي صورته
الدرج التاني السوتيان باطبقهم بالشكل ده
ده بئا الاندر وير القطن العادي يعني غير البكيني
الكوميدينو التاني فوق حاطة الباديهات الكات والحمال غالبا بلبسها تحت الهدوم او على بناطيل او شورتات في الصيف
هنا حاطة البكيني
هنا بئا انا حاطة الشورتات والكورسجات الاسترتس
هنا في الشوفنيرة الكبيرة حطيت الفوط والبشاكير والبورنسات اللي مش بنستخدمها واللي بنستخدمها في الحمام طبعا
غلسة انا عارفة
وبكده انا شبه انتهيت من غرفة النورم
انتظروني في تنظيم الدولاب الشتوي بتاع الاطفالي
لي معكم عودة
0 التعليقات:
إرسال تعليق